Tusiga kae fakatelega o tau palani puipui se mea faigata. Te palani ‘lei mo te aso nei e ‘lei atu i se palani tafasili te ‘lei taeao, kae e mafai faeloa o fakafou kae atafai faka’lei fakamuli.
Te tamilosaga o te palani
E lima kalafaga o te faitega o se palani puipui:
Otita
Iloilo ou atamai mo au mea e iloa. Filifili me manakogina se fesoasoani mai tua. Fakamau au kope mo fakamatalaga kola e manakogina mo puipui, aofia ei hardware. Software, documentation mo data. Iloilo a mea fakamataku mo pokotiaga. Fai se fakamaumauga o mea kola e manakogina ke puipui.
Palani
Fakamau a auala e puipui, matemate mo te faifaiga o agai atu ki pokotiaga o puipuiga. Fai se fakanofoga ke fakamalosi o faka’logo, fakatasi mo tino galue. Filifili me ko oi ka onoono ki te fakatelega mo te ata iloiloga o te palani. Talia se taimi e fakatele ei te fakagaluegaga.
Fakatele
Fakailoa katoa ki tino galue. Fai ne akoakoga manafai e manakogina. Fakatele te palani.
Iloiloga
Sukesuke ne pokotiaga ‘fou manafai ko iloa ne koe. Kau atu ki tusitusiga ki luga i puipuiga. Fakafou kae fakamafuli a te palani manafai e isi se mafuliga i tino galue, hardware mo software. Fakasoko loa te fakaleiga mo te atafaiga pela mo te fai o backups io virus update.
Fakafoki
Fai se palani o toe fai se ioloiloga saukatoa mo te fakafouga i se leva e ono ki te sefululua masina io me manafai koa isi se fakamafuliga lasi ki tau pisinisi.
Nea mea ke fakaaofia
Se palani puipui tela e galue ‘lei e aofia ei mea konei ke mafaufaugina. Mo pisinisi foliki, nisi mea e se aoga io me manakogina:
- Fakateletelega (tino mai tua) mo te Tuku atu tou malosi katoa
- Potukauga se aofia i te pisinisi (tino togi, tino fakatau mai, tausoa, so se tino e isi sena aia).
- Faite fakamatalaga mo fautuaga puipui
- Fakamatalaga o te atafaiga o pokotiaga
- Tausiga o fakamatalaga o kope
- Fakavasegaga o fakamatalaga (mea totino, tino salalau, mea ‘funa)
- Salaga o tino galue ‘fou
- Fegaiaga ‘funa
- Koga puipuigina mo lotou saolotoga
- Puipuiga o meafagaluega IT
- Fakanofonofoga o tiute fai mo fakanofoga
- Mea IT fou mo fakafouga
- Puipuiga mai Malware
- Meafaigaluega a tino galue takitokotasi
- Fesuakiga o fakamatalaga (aofia ei nisi mai tua)
- Fakagaluegaga maumea ki mobile mo electronic
- Iloiloga o tino fakaaoga
- Feagaiaga o fakaaoga
- Tiute fai o te tino fakaaoga (aofia feagaiga a tino galue se tumau)
- Galue fakaaoga mobile mo remote
- Atafai mo te puipuiga o Network
- Network encryption
- Ke tonu te faiga o galuega ke fakamautinoa te fakatalitonugina o data
- Puipuiga i loto i atiakega mo fesoasoani
- Te fakasoasoaga o mea kola e faigofie te pokotia
- Lipoti a fakalavelave mo vaivaiga
- Atafaiga o mea ‘tupu mo auala toe atiaka
- Feitu pupuiga o IT o te pisinisi e fakasoko loa tena atafakateletele.
- Ke tautali i manakoga o tulafono (aofia ei Tulafono kit e puipuiga o Data)
- Tautali ki fakatualaga a Matagaluega fai card togi mea.
- Tautali ki manakoga totino o te matagaluega (pela mo sevesi mea tau tupe, ola ‘lei)