Me pefea te talitonu ki tino kola e galue tasi mo koe, a mea fai galuega aveave e lasi kii tena pokotiaga ki fakamatalaga puipui o sose fapotopotoga.
I tulaga o taupulega o data, te fakatalia o tino galue ke faulu a data ote kamupane ki luga i mea faigaluega totino o tino galue, tona uiga e isi se avanoa ke galo te fakatonutonuga o data, se pela mote taofi fakalei i loto ite kamupane e saogalemu atu … me se network, ite cloud io me i luga ise mea faigaluega aveave tela e pule ne te kamupane.
Te mea faigaluega ate tino galue e mafai o faigata te leoleo fakalei; e mafai o faigata te iloa me nea data e taofi i luga ite mea faigaluega kafai e galo io me kaisoa; kae kafai te tino galue e fano e mafai o faigata te fakafoki mai o data. E mafai o faigata te fakasegi a data totino i luga ite mea faigaluega ate tino galue … tela e mafai o soli tulafono ote Data Protection Act. Kae faopoopo atu kiei, kafai se mea faigaluega totino ate tino galue e fakaaoga mo fai a galuega, e isi se feitu se maina me koi e fakatoka kae togi te technical support.
A Pokotiaga
- Kaisoa a data ote kamupane ne se tino galue.
- Galo io me kaisoa a data ote kamupane kafai ko galo io me kaisoa.
- Mea masei io me ne mea se manakogina o vaega malware ko faulu ki loto i fakateletelega ote kamupane.
- Te se tautali fakamaoni ki fakanofonofoga o tulaga o galuega.
- Te maluga o togi mo fai a fesoasoani ki tekinoloti ona ko mea faigaluega ‘seiloa’.
- A data ko siliga mote aofaki avanoa ona kote fakaaoga ne tino galue ke download files lasi (pela mo ata tamunei) mai te network ate kamupane.
- Tino galue e fakamaumau taimi mai te asiasi ki websites / mai te fakaaoga o applications i luga i mea faigaluega totino.
- Te se fetaui o kope tau software io me ko vaega o latou
Fautuaga ki luga i mea faigaluega totino i galuega
- Filifili me e tau o fakatalia ke fakaaoga mea faigaluega totino I te koga galue: e mata te pisinisi e penefiti atu ite fakatauga togi mo pokotiaga?
- Kafai la e pena, filifili me kise tulaga fea e fakaaoga iei a mea faigaluega totino (vaega mea faigaluega, sea te pogai kae koi e fakaaoga ne ia).
- Fakatoka se sukesukega ki pokotiaga kae fakamautinoa me isi ne fakanofonofoga taugatonu ke fakafoliki pokotiaga kite pisinisi.
- Mafaufau ki fakanofonofo ote Data Protection Act.
- Fakamautinoa i mea faigaluega totino kola e fakaaoga e aofia i au tulafono o fakasaolotoga – pela mo fakanofoga o galuega fakafeagaiga mo tusi fakanofoga o tino galue.
- Mafaufau ke fakaaoga tasi o vaega fakateletelega o mea fai galuega aveave ite maketi o aso nei.