Ate hacktivist (tino hack kise pogai) se tino tela e fusi fakatasi ana talitonuga mo ana iloa i tekinoloti o taua atu ki website io me kamupane kola e fia fai fatio kiei. Mea nei e mafai o fai pela me se denial of service (DoS) io me ko distributed denial of service (DDoS) kola e taua atu ke fakafifi auala kise tasi io me ukega o websites, io me se tala lasi kae maina ke lavea tena faitio i luga ite website. A tino hacktivism konei e taketi foki ki fapotopotoga lasi pela mo matagaluega o malo mai luga loa ite lasi te fakaoga mo websites pela foki social networking feeds, kae e seai se fapotopotoga e se mafai o sao. ‘Anonymous’ kote putukau lasi loa ite lalolagi i tausaga fakamuli nei.
A pokotiaga
- E fakalavelave te website ke se tele ‘lei.
- Toese te alaga sene, fakamasei te ata io me katoa talua.
- Vaega o tau fapotopotoga – io me tino takitasi kola galue iei – kola e se iloa ki tua, ko fakaasi ise auala fakamasei.
Puipui tau website
Kafai koe e fakatele tau website ilo te fakaoga se tino faopoopo ki loto ke fakatele tau kamupane, fakamautinoa me ite hardware mote software e puipuigina:
- Fakaaoga ne password kola e malosi kae puipui i loto ite system. Sa tiaki ne password ke mafai o fakatuu loa ia latou.
- Fakamautinoa ite server e puipuigina mai se firewall mo se internet security software tela e ‘lei.
- Iloilo a log files faka’lei ke mafai o lavea a taumafaiga o teke a mea puipui.
- Fakaaoga te toe vaega fou o sose ecommerce software. Vaega mua e mafai o isi ne vaivaiga kola ko mafai ne hackers o sonafai.
- Sa tausi gina au customers’ private information mo fakamatalaga o credit card i luga i public ecommerce server.
- Kafai e fakatau koe me ko tau website e mafai o pokotia ite DoS io me se DDoS attack, sale ke maua kae sokotaki kise tino poto i vaega tau atu o DDoS tela e lava te malamalama mo taua atu ki vaega pokotiaga penei ki tau pisinisi.
- Mafaufau o fakaoga se putukau kola e poto ite tofotofo o vaeaga puipuiga ki luga i tau ecommerce server.
Kafai e fakaoga se third-party hosting company:
- Toe iloilo te vaega puipuiga mo tulafono avanoa mo olotou fakatokaga.
- Onoono me te levolo fakatokaga ote feagaiga e taugatonu ki ou manakoga.
- Mafaufau o fakaoga ne tino poto ke tofo ne latou a polokalame teke i luga ite hosting company’s server.