Te filiga se tausoa fesoasoani
Sili ki taugasoa, tino fakatau kope, fapotopotoga fakatau koloa mo niisi kamupane me koi e fakaaoga ne latou.
Fai se salasalaga ki te ‘IT Support’ i koga e nofo koe iei. Sala ki tusitusiga ki igoa o tino poto ite vaega tekinoloti tela ka manakogina ne koe. Pela, mo kope ote Microsoft io me ko Apple, onoono kite tusitusiga o tausoa kola e isi ne olotou pepa akoga i Microsoft certified Solutions Expert (MCSE) io me ko Apple Certified Support Professional (ACSP)
Sala ki te:
- Iloga o galuega kooti ne fai.
- Se tino tela e kafi o fesoasoani pena foki ki mafulifuliga io me ko ou manakoga e mafuli.
- Tino tela e malamalama i au hardware mo software.
- Pepa fakamaonia mo fautuaga mai niisi.
- Se malamalama kite pisinisi pela foki te tekinoloti.
- Tino kola e kafi o faipati ki tau gana, kola e kafi o fakamatala fakalavelave ise auala e maina koe iei
- Kamupane kola e mafai o fakafeagai mo ou manakoga.
I vaega ote cyber and information security support, kafai e maua ne koe se tino tela e isi sena pepa fakamaoni i tona iloa kae e kau ki fapotopotoga o iloga penei, e kafi o fakaoga ne koe te tino tena mo fai tasi au IT mo cyber / fakamatalaga mea tau puipuiga fesoasoani manakogina.
Feagaiga Fesoasoani
E manakogina ke fai ne koe se tusiga feagaiga – io me se feagaiga tulafono – tela e fakamatala fakamaina:
- Nea mea ate tino fesoasoani ka fai mo koe – kae nea olotou fakatauga mai ia koe.
- Se polokalame mo sose galuega polotieki e fai, pela me fia te leva e tau o fakapiki se server fou io me tapale fakalei se mea ko leva.
- Se service level agreement (SLA) – pefea te vave e tali kae faite se fakalavelave.
- Pefea te levolo o fesoasoani tauave kafai kooti ne togi ki tua kae kafai e faulu te fakatauga mea faigaluega pela me se vaega ote feagaiga.
- te fakamoemoega, se fakamatalaga likiliki o sose polotieki tela ka fai.
- Se fakatuga togi mote fakatautauga tela e maina, me tasi loa te togi io me fakatau ki te aso me pefea.