Tiga, te uke o penefiti ote galue i sose koga e fepaki mo se fuainumela o nai pokotiaga – te taulasiga mai te faifaiga fakagalue.
A Pokotiaga
- Te galo io me kaisoa o mea faigaluega aveave – se kote manakogina fua ke suiaki kae kote mafai o pokotia a data ite mea faigaluega.
- Malware – te mafai o pokotia se koia fua te mea faigaluega kae ko niisi mea faigaluega kola e soko kiei (e aofia foki iei a email) kae te fakavae tau IT katoa mote puipuiga o tau fanofanoga, fakateletelega mo avega tau sene pisinisi. Te mea nei e mafai o mafua mai ona kote dowload o phishing emails, asiasi ki websites kola e pokotia io me download apps kola e pokotia.
- Pokotiaga o puipui mai kogaakoga valevale ona kote fakaaoga Wi-Fi se puipuigina, io me ko tino matakaisoa mai luga i tou / tino galue tuauma.
- Pokotiaga o puipuiga kafai te mea faigaluega e se pei fakalei.
- Mea konei e mafai o fuli ki niisi vaega faifaiga fakaloiloi, kaisoa iloga o tino, kaisoa data, pokotia puipuiga o tino galue, galo te laulelei ote tino, se tautali ki tulafono o data kae mafai foki o fakatogafiti io me taofi ke maua ne sene (me ko pisinisi maluga io me ko tino takitasi).
Fautuaga ki luga ite fakaaoga mea faigaluega aveave
- Fai ko tino katoa kola e fakaaoga ate mea faigaluega aveave ate kamupane (io me saloto te fakaaoga loa tena mea) me koia e panaki mo faifaiga o ana uiga mo faiga e uiga ki mea faigaluega kona.
- Faka aofia te fakaaoga o mea faigaluega ite pisinisi ote kamupane, i loto ite tusi o fakanofoga ate kamupane.
- Fakamautinoa i mea faigaluega e puipui kise PIN, tela e faigata ke maua (vagana kote tino fesoasoani IT mote tino e pule ite pisinisi).
- Fakamautino me i mea faigaluega katoa e puipui nese internet security app, me a latou e fakafou mafai ko fakatonu kae e galue faeloa.
- Mafaufau ke fakaaoga security software tela e mafai o iloa te koga e nofo iei tau mea faigaluega kafai e galo/kaisoa, tamate tena galue, fakaola se mea fakatagi, avatu se ata ote tino tela e faulu see ne ia te PIN io me niisi vaega fakatelega kola ko mafai ne mea faigaluega o aso nei.
- Fakamautinoa me i tino kola fakaaoga mea faigaluega aveave e maina fakalei i pokotiaga kola e tau o fai ke puipui olotou mea faigaluega mo fakamatalaga kola e i loto, e aofia foki iei:
- Taofiga puipui te mea faigaluega i koga valevale
- Fakamautino te Wi-Fi e saogalemu, io me fakaaoga se data dongle
- Ke faeteete foki i ‘shoulder surfers’
- Fakamalosi fakanofonofoga ki luga ite fakaaoga ke saogalemu – aofia iei email, fakaaoga ote internet, social networking mo apps – kote mea ke puipui fakalei mai te pisi i malware.