Te Wi-Fi ite ofisa mote fale e fakaaoga te tekinoloti e tasi (802.11).
E isi ne pokotiaga masani e mafai o tupu, kae e tofu loa lo tena vaega pokotiaga. A koe e kafi o puipui gofie mai te fai o mea konei foliki.
A Pokotiaga
- Kafai tau wireless hub/router e se saogalemu, tino se taulia / tino valevale io me ko fapotopotoga e mafai gofie o ulu ki loto kafai latou e nofo pili kiei. Te ikuga e mafai o penei:
- A fakamatalaga funa kae taua tela e fai o kave io me maua ne koe online e mafai o puke, tela e mafai iei o uke vaega mea masei e mafai o tupu.
- Tau bandwidth ko puke – ko pokotia iei te makini ote online o au computers mo niisi mea faigaluega.
- Te download allowance tela e fakaaoga, tela e togi ne koe ki tau Internet Service Provider (ISP).
- Te download mea se ‘lei, e mafai o sala ki tau tuatusi kae e se koia kote tino tela e fakaoga ne ia mea se ‘lei kona mai tena mea fai galuega.
Wireless networking tela e saogalemu
- A pokotiaga katoa kona mai luga e mafai o puipui mai iei, mai ite fakamautinoa me tau wireless hub/router e saogalemu. Ke onoono me e penei, sala ki wireless networks kola e avanoa, mo latou kola e saogalemu e fakaasi kise ata ote loka.
- Kafai e soko koe muamua kise computer, smartphone, tablet, printer io me sose sua mea faigaluega tela e wireless-enabled ki sose wireless hub/router, koe e fakatonu ke faulu se password/key, tela e fakatoka mai ne te network manafai ate network e saogalemu. Te faiga tenei e fakatoka te mea faigaluega ke soko ite taimi tena kae ka tumau iei, pena foki mo taimi mai mua. Ona ke puipui, e tau o fuli te password/key kise password a koe koi tuai o fakaaoga te Wi-Fi mo sose fesokotakiga io me se kavega o sene taua.
- Kafai koe e fakatoka tau hub/router, kaati ne avatu fakatasi mote security tela kooti ne fakaola. E tolu vaega levolo kola e avanoa (WEP, WPA mote WPA2), WPA2 tela kote vaega maluga. Te taulasiga o hubs/routers e avatu te avanoaga ke fili te levolo maluga, kae masaua me niisi mea fai galuega kola ko leva e mafai o se galue mo levolo maluga.
- Kafai e isi se pogai ate fale/ofisa/mobile wireless hub/router/dongle e manako koe o soko kiei e se saogalemu, ko onoono koe kite pepa e tusi iei fakamatalaga kite fakaolaga.
- Fakamautinoa me tau internet security software mote firewall e ‘lei kae e fou kae ko galue koi tuai koe o soko kite wireless network.
- Tausi a Wi-Fi codes faka’lei kote mea ke se mafai ne tino kola se taulia ke se mafai o soko kiei.
- Masaua me te access code e masani o tusi i luga ite hub/router, tela la fa’eteete me tapale, io me fai te hub/router ke se mafai o soko kiei se tino soona ulu io me tino seiloa ne koe i loto ite liisi.