Se natula loa o tamaliki ke fiailoa … latou e tauloto kae putiake i aula penei. Kafai tau tamaliki ne lavea ne ata matua online, fakamatala me vaega mea penei ne vaega mo tino matua fua kae se koia ma tamaliki, kae sala ne sites fakatasi tela e mafai o maua mai iei se fiafia, kae taugatonu mo tausaga o latou. Fakamalosi kia latou ke fesilisili.
Kafai ne tamaliki matua e nofo loa mo olotou saolotoga kite internet e kamata o fakaasi ne vaega amioga tela e manavase koe kiei, kamata o faipati kiei ite aofaki taimi e nofo i vaega sites mo olotou pokotiaga.
E isi se fakamatakuga ite vasia o tagata mo fafine tela e mafai o kilo ki vaega ata masei e lavea ne latou online, me ne vaega amioga masani. E taua ke fai atu kia latou me e se tau o fai penei, kae a koe e mafai o tukufakatasi te faipati ke aofia iei te fakataugasoa.
Kae mai mea maluga katoa, sa taema ite faipati mo au tamaliki, se vaega taua ote fakatokaga latou mo te olaga tupuake.
Technical precautions
Pela mote fai faipatiga masani mo tau tamaliki, e isi ne vaega technical safeguards e kafi o fakatu ne koe:
Parental controls i luga i tau computer io me kote mea faigaluega
Tau lasiga o computers mo mea faigaluega aveave e togi ki tua mo fakaaoga ne tino e isi se vasega mo koe te matua ke fakavasega a mea kola e se manako ke lavea ne tau tamaliki (io me sose tino aka) ke saoloto kiei. A vaega konei e mafai fua o saoloto kiei ite control panel ote computer io me ko niisi vaega settings screen. Kafai e isi sou masalosaloga me fai pefea ke fakatu, onoono ki te fesoasoani online io me sili ki te koga ne togi iei.
Parental control software ke togi io me download
E uke a vaega brand mo vaega parental control software e avanoa fakatasi mo au computer mo mea faigaluega aveave. Filifili se tasi ote vaega tela e lauiloa kae lei ana lipoti mo fautuaga. Te tonuga, latou konei e fai ko ko eke mafai o fakavasega ki tua mea masei pela mo ata masei mo vaega fakataa tino, fakafoliki te avanoaga o tau tamaliki kiei. E isi e fakasaoloto a koe o seti vaega kesekese manafai e isi ne au tamaliki e kesekese olotou tausaga kae e fakaaoga ne latou te computer io me ko niisi mea faigaluega.
Niisi taimi, a mea fakavasega e mafai o siliga io me se lava te puipuiga, tela e mafai a tau tamaliki o se ulu ki loto i nai sites kola e lei, io me niisi taimi ko lavea ne latou ne ata se fetaui mo olotou tausaga. Te taulasiga e mafai o popono io me tatala ke sites kola kooti ne filifilia ke avatu kia koe se avanoaga ke fakatonutonu ne koe.
Niisi parental control software e avatu kia koe te avanoaga ke asiasi a faifaiga a tamaliki online, kote mea ke lavea ne koe a websites kola kooti ne lavea mote leva ne nofo iei.
Niisi e avatu kia koe ne lipoti i faifaiga a tau tamaliki ne fai.
Niisi polokalame e fakaavanoa atu ko koe ke fakatapula a taimi o au tamaliki e fakamaumau online – tela e taofi iei te saolotoga kite internet, io me ki nai websites i taimi kesekese ote aso. Tela la e kafi ne koe o pono social networking io me ko sites fakafiafia manafai tau tamaliki e tau o fai ana homework. A koe e saoloto ki te software mai te fakaaoga te login i sose taimi o fakatonu a mea puipui kae pono io me tala a sites, manafai koa tai matua te tamaliki. Kae pela mo software katoa, e taua te fakatele a fakafouga kafai ko fakatonu mai kef ai.
Internet Service Provider Parental Controls
Te ukega o internet service providers (ISPs) e fakatoka foki a parental control software – kola, pela mote software e togi ne koe, e kafi o pono mea masei iei. A tino togi internet mai ISPs e mafai o saoloto ki vaega fakatokaga penei aunoa mose togi.
Niisi mobile networks foki e avatu parental control software aunoa mose togi. Kae mo niisi, te mea nei kooti loa ne seti ke fakatu. Kafai koe e se mautinoa me pefea, io me isi ne au niisi fesili io me ne manatu, fesokotaki ki tau mobile operator ke tokagamalie.
Niisi mea faigaluega kola e soko ki te internet pela mo games consoles e masani o isi ne parental control software tela pela me se matua, a koe e kafi o fakatonu kae fakaaoga.
E uke television channels’ on demand services e ofo atu password-protected parental locks ke fesoasoani atu kia koe o puipui tau tamaliki mai te onoono ki polokalame kola e se taugatonu mo olotou tausaga.