RATs e masani o download aunoa mo te lavea, mose polokalame tela ne manako koe kiei – pela me se tafaoga – io me ne piki ise email ne avatu kia koe. E mafai o fai ne faifaiga e pau mo software tonu. RATs e mafai o mafa te lavea ona me e se masani o fakaasi i luga i fakasologa o polokalame io me ne faiga a koe e fakaaoga, io me lavea ne koe me isi se pokotiaga ki fakaletega tau mea faigaluega.
RATs ko gasolo loa o lasi te fakaaoga mo puke malo a webcam, mote fakamoemoega ke fakaaoga a vitio io me ko ata mo fakatogafiti ke maua a tupe io me niisi vaega manakoga taugatonu.
A Pokotiaga
- Te nofo alamati (aofia iei te pei fakavitio) mai tau webcam. I niisi faiga, a latou e faite ke fai penei aunoa mote fakaola te moli, tela la a koe e seiloa ia koe e lavea ne tino.
- Au mea fai online e lavea mai ne tino (aofia iei a websites kola e fano koe kiei, tino e email koe kiei, au mea e taipa.
- Te puke au fakamatalaaga funa maua ne tino – aofia iei au akauni ite faletupe mo fakamatalaaga social security.
- Te fakaaoga pela me se vaega ote botnet ke fakasalalau a viruses mo niisi malware.
- Te format au computer drives.
- Te solo au files mo file systems, download io me fuli.
E Fakaseke Pefea mai te Ratting
- Fakamautinoa me ite antivirus/antispyware software e lei kae fakafou saale mote firewall e ola i taimi katoa e fakaaoga tau computer io me se mea faigaluega aveave.
- Sa too i takolekolega ke download polokalame io me ko apps kola e se mai i koga e fakatalitonugina, me a latou e mafai o isi te RATs mo niisi malware.
- Download a fakafouga ki au polokalame mo apps manafai ko fakailoa atu ke fai… a latou e masani o aofia a security fixes.
- Fai fakalei i links e paki koe kiei i loto i emails – e mafai o iku ne phishing.
- Fa’eteete ite tala a mea piki i emails, kafai foki ne foliga pela me ne mai i tino e iloa ne koe.
- Fakamao mai website kola e masalosalo koe kiei mo torrent downloading. E uke a downloads e tapu i lalo ite tulafono kae se auala taua ki te vaega cyber-attack tenei.
- Pulou tau webcam kafai koa se fakaaoga, me se vaega e piki i loto io me fakapiki ki luga.
Kafai koe mafaufau me ia koe ko pokotia ite amioga tenei e lavea ne tino a koe mai i tau webcam
Lipoti temea ne tupu ki te ofisa pulisimani.