A meli konei – e lasi loa a te se lelei o te gagana mo muna e sese te tusitusiga – e ave valevale i te taimi e tasi, seai se iloa me ko oti ne lavea mea i loto me ikai, tiga i ei, mea konei ka fakamafua ne ia te mataku mo te se nofo toka maise loa ate tino tela e fakatino ki ei pela me masani saale loa o fai a mea konei ko fakasae mai. Nisi emails, e taku mai ei te password a tino tenei e pokotia, tela e fai ne ia te fakamatakutakuga tenei ke pela loa me se mea tonu. Te password pela tai iloa tonu tena fakamauaga mai te tufatufaga a tino amio masei i fakamatalaga totino a tino kola e fakaaoga mo ulu atu ei ki loto i email, kae ne kaisoa i taimi kola ne lasi kii loa te kaisoaga o mea konei. A username mo password tukufakatasi e maua i tusitusiga kola e aveavegina i luga i network a te kau amio masei. Tela la, e tai faigata loa te mafai o tau password o puke manafai e isi se mea e fakamasei ki tau computer io me se mobile. E mafai o faopoopo ne ia ne pasene ke fakatalitonugina ki te tonu o te fakamatakutakuga, tela ka fai neia tino ke talitonu me isi ne tino e taumata atu kia latou.
Tiga loa email fakaloiloi e se taia ne te Tulafono kae se taliagina ne te mafaufau, ko mea kola e fakavae mai fakamatakutaku ke maua ne sene e matuga fakamataku aua, i te feitu tenei, te tino tela e pokotia ka masei kii loa tena ata fakaasi tela ka mafai loa tena tulaga fakaaloalo o tu i se tulaga fakamataku
Te katoatoaga o te email ne maua tena e fakaasi atu mai lalo pela me se fakamatalaga toetoe i te fakaotiga o te laupepa tenei.
Kafai e maua ne koe se video fakamatakutaku ke maua ne sene o fakamataku koe me ka fakaasi ne ia koe ki tino ia koe ne onoono ki ata ma’sei
- Sa togigina te aofaki sene tena e manako mai ki ei
- Sa tali foki koe ki ei
- Sa ‘tala foki ne koe te link tena i te email tena
- Sa manavase: masaua me i te mea nei se email fua tela e ave ki tino tokouke kae tau o mautinoa foki me i tau meafaigaluega seki fakamasei ne spyware.
- Kafai se tasi o au password e tonu lo ate tusi maiga i te email:
- Sui tau password i tau akauni io me i au akauni tena e fai mai ki ei. Fakamolemole fakamau ki lalo te motou fautuaga ke filifili se password tela e faigata te iloa, kae masaua me se fakamalosigina ke fakaaoga e tasi te password i au nisi akauni. Masaua o fai sau password manager manafai, pela mo te lasiga o tino e mafai loa o se manatua a password kesekese a latou.
- Sokotaki ki te kampane io me ki te website tena e fai ki ei te mea nei o fakailoa ki ei ke iloa ne latou me i tau password ko oti ne fakaaoga ki auala penei ko te mea ke sukesuke.
- Ona la te email se mea fakaloiloi, e mafai ne koe o lipooti ki pulusimani.
Tenei te tusitusiga i te email
“(Te password a te tino ne maua ne ia te email) se tasi o au password totino Kae nei ke olo taua ki te pogai tonu. Seiloa ne koe au kae iloa lei loa ne au koe kae kaati e poi koe me kaia e maua ai ne koe te email tenei, e tonu au?
Ne faulu ne au se malware ki loto i ata masei (sex sites) kae iloa la ne koe me sea, a koe e onoono saale foki i te website o ata masei tenei o fakafiafia koe (e iloa ne koe te uiga o taku faipati). E onoono nala koe i ata masei, tau browser ko galue pela me se RDP (remote desktop protocol) mo te keylogger tena ne mafai ei ne au lavea mea kola e onoono koe ki ei pela foki mo pate fakagalue o tau web cam. I kona foki loa, taku software ne mafai ne ia o maua mai ou fesokotakiga mai tau messenger, facebook, mo tau email.
Sea te mea manako au ki ei?
Kaati la se malaia loa o koe me ne maua ne au au amioga masei. Tena la nofo loa au o fakamaumau oku taimi o sukesuke ki loto i tou olaga totino mea loa ko fakatoka ne au e lua vaega o faka video kaseti. Te aafa muamua e fakaasi mai ei a ata ne puke o koe e onoono kae sua aafa ko ata ne puke mai tau web camera (ata o se tino e fai mea masei). Mata loa, Au e manako o fakamasei fakapatonu loa koe ko tuku ei koe ke ola loa pela mo tou olaga masani. Kae ko taku manakoga ke fai atu ne au se aula ke mafai o se tupu te mea tenei. E lua la avanoaga konei e tuku atu e tasi ke se saga au ki te email tenei (se na loto au ki ei), io me togi mai ki ai se $1,000.
Sea tau mea ka fai?
Tou onoono aka ki avanoaga konei e lua o tai sukesuke atu ki loto. Te mea muamua e mafai o fai ke se saga tatou ki te fekau tenei. Kae iloa la ne koe te mea e tupu mafai e olo tatou i te auala tenei. Ka fakasalalau ne au tou ata ki tino katoa kola e sokotaki mo koe fakatasi mo ou kāiga, tino galue mo nisi tino aka tokouke. E se mafai o puipui koe mai te masiasi ka oko atu ki tou kāiga manafai ko iloa ne tatou mo ou taugasoa a mea masei a koe konei i te ata masei ne ave ne au ki olotou inbox. Te filifiliga lelei loa ke ave ki ei te $1,000. E fakaigoa ne tatou te mea nei “togi o te mea funa”. Ke fai atu me sea te mea ka tupu manafai e fai tatou i te faiga tenei. Tau meafuna tenei ka seai se tino e iloa ne ia. Ka ‘solo ne au te ata masei. Ka oti ne aumai ne koe te togi, koe ka faksoko loa i tou olaga pela loa mo te masani mo tou kāiga pela loa seai se mea ne tupu. Koe ka togi atu ne koe e auala atu i te Bitcoin (kafai se iloa ne koe, tau mea fua e tau o fai ko sala “togi pefea bitcoin” i loto i te google search)
Aofaki ke ‘togi: $1000
Fakatuatusi o te BTC: (se pati e loa kii kae aofia ei a mataimanu mo fuainumela mo nisi failoga aka foki)
(It is cASe sensitive, copy and paste it carefully)
E taua: Nei la e tau o tasi te aso e togi atu ei. (e isi saku pixel fakapogai i loto i te meli tenei, tenei la nei ko iloa ne au me ko oti ne faitau ne koe te email tenei). SA FAI ki se tino me kaia e manako ei o fakaaoga te bitcoin me ma se avatu ne latou kia koe. Te faiga o te bitcoin e nofo ki se aso e tasi io me lua tela la sa fakatuaituai. Kafai loa se maua ne au te BitCoins, au ka fakasalalau loa tau ata masei tenei ki tino katoa kola e isi sou sokoga ki ei fakatasi mo ou kāiga, tino galue mo koe, mo nisi aka. Kae kafai, e tofi mai au, ka solo ne au te ata masei fakavave loa. Kafai la koe manako ki se fakatalitonuga, tali mai “Ao!” mea loa ko ave ne au te ata masei tenei ki ou taugasoa e toko 11. Mea nei se manakogina ke faipati taua ki ei, sa fakamaumau ne koe oku taimi & pena foki mo koeo tali mai ki te email tenei.”