Te lasi tokoukega o tino ko fakaaoga sites fai famau e aava kae faimea tonu i fakamatalaga kola e maua mai ia latou mo lotou pogai ke kau latou. E ui loa, e isi loa ne mea tai kese, ke manakogina koe ke iloa ne koe o tausi koe – tau akauni i faletupe mo au tupe’teu – puipui mafai koe fetaui mo tino online.

A Pokotiaga

Puipuiga o koe totino manafai e fetaui koe mo se tino mata – ki mata kae ne fetaui koulua online.
Alamati kae faimāloo.
Fakaloiloi, manafai tino e tagi atu ki tou natula ‘lei ke fesoasoani kia latou mai se ‘tulaga tai malaia’ ona ne ave tupe.
Tino e fakalesi pela me ko te tino tela se ko ia.
Mea masei, fakatau atu io me fakaloiloi maise loa te fakaloiloi ou lagona
Fakatogafiti webcam, kola te kau kaisoa e fakamau mea kola e fai ne koe i mua o tau webcam tena ko fakaaoga ata konei ne puke o kaisoa tupe.
Phishing emails fai pela me se site famau online kae fakamalosi kia ko eke fakaasi atu ou fakamatalaga totino.
Koe ne fakaloiloi i te fakaaoga websites fakaloiloi me se site famau tonu.
Tino e mafai o kaisoa au sene manafai koe e fakaaoga se link tela se puipuigina mo ‘togi au mea.
Fakaaoga nai sites famau ‘loi kola:

Fai sou tala toetoe fakaloiloi mafai te tino e mafaufau koe me ne fetaui koulua e fakagalue i te site ko ko eke nofo loa i ei kae togi au tupe.
Fakagata te sokotaki atu io me fekau atu mai te taimi ne ave ei ne koe te togi o tou tautino ke maua ne latou.

Tautali ki fakatonuga ke sautala online koe seai se fakalavelave

Faite sou tala toetoe mo sautala koe online: puipui tou iloga mo fakamatalaga totino

Fai ke seiloa tou igoa

Fili se username tela e se mafai ne tino katoa o iloa koe. Sa faulu te igoa o tou sainaga io mo so se fakamatalaga e iloa ei koe plea mo tou koga galue i tou tala toetoe io me manafai e sokotaki koe i te taimi muamua
Masaua me ka laveagina te moe fakatauavaga, fakaitaita io me fakatupu taua username e mafai ne ia o fakalata ne mafaufauga kola see.
Tausi fakamatalaga o au sokotakiga ia koe loa. Tau loa koe o pule me afea io me pefea e tufa atu ei fakamatalaga. Sa faulu ou fakamatalaga sokotaki pela mo tau fakatuatusiga email, fakatuatusiga o tou fale, napa telefoni, tou fakamatalaga toetoe io me i tau sokotakiga eiloa.
Faifai malie kae tufatufa fakauke fakamatalaga manafai koe e ‘lei kia koe. E faigata o toe maua mai fakamatalaga manafai ko oti ne aveave.
Fakagata te sokotaki ki so se tino tela e taumafai o ‘losi kini mai kia koe ke tuku atu o fakamatalaga totino mo fakamatalaga o au mea tau tupe io me lavea atu e taumafai o fakalesi koe ke tuku ki ei. Kafai te mea nei e tupu fesokotaki ki tino e fakamaua vaega mea penei fakavave ke se puipui fua ne ia koe, kae ko tino katoa pena mo ko emo nisi aka foki.

Password & Tokagamalie

Faeteete manafai koe tala tau akauni mai computer e fakaaoga ne so se tino, ke se mafai ne se tino o matea io me tusi ki lalo tau password mo ou fakamatalaga totino.
Faeteete i te tala a me kola e fakapiki mai ki au email mai se tino fatoa fetaui fua mo koe
Fakamautinoa me ia koe e tausi ki tau internet security software e fakafou faeloa ki mea ‘fou.

Connecting mo tino ‘fou online

Taumafai ke iloa ne koe a tino, sa fakavavave kae talitonu ki ou lagona. Fai au mea mo te faeteete kae tauloto nisi tino mai mua koe o sokotaki ki te tagata io me fafine mai tua o site famau. Sevesi sautala mo famau e fakagalue meli mo chat ko te mea ke iloa ne koe tino i se auala saogalemu kae [iloilo/atafai]. E fai ne latou ke puipui koe, se mo fai sene. Fakaaoga olotou fakanofoga mo nisi mea puipui e maua i ei. Kafai kae mafea koe ko mafaufau ke tufatufa sau fakatuatusiga o tau email mafaufau ke faite sau fakatuatusiga email fakatea.

Titi malie

Nisi taimi manafai koe e fiafia i se tino, ou lagona e mafai loa o ‘numi ona ko te malosi o tou loto lagona. Faeteete kae faifai malie manafai koe e faipati e uiga kia koe. Se manakogina ke fakamatala ne koe tou olaga saukatoa i te taimi muamua o koe o chat – kae se ‘tau mo koe. E uke kii loa taimi ke fakamatala ne koe fakamatalaga kona manafai loa ko gasolo o malosi te lua vasia.

Koe ke fai tou tiute kae fai foki au sukesukega totino.

E isi se fakatapulaaga ki te mafai o online dating provider’s o aasi tala o te olaga o te tino fakaaoga kae fakapatonu a fakamatalaga e fakamaua ne latou. Se mafai ne latou o fai se asiga o tala amioga’sei tino fakaaoga takitasi. Kae ko te tino e mafai o fai me se fakalavelave kae seai sou tala ne fakamau. Tela la, sa fai ke maua ne koe se lagona tokagamalie ‘see ona ko koe e nofo i luga i site famau; fai sau sukesukega totino o tauloto i se tino kae fai sau ikuga iloa tonu maimua o mafaufau ko eke fetaui. Aasi ke lavea I te tino tela e fiafai koe ki ei e nofo i luga i nisi social networking sites pela mo Facebook, fai se sukesukega ke lavea me isis aka nisi fakamaumauga o ia online, kae kafai e mafai fakaaoga te mea sala ata a te google o sala se ata i tala toetoe.

Akai sene ko ou moli ‘kula kona

Kaia se tino e manakogina ke kaitalafu tupe mai se tino seki fetaui aka loa mo ia, io me fatoa fetaui? Seai loa se pogai mo se tino kea kai ki tupe io me ne fakamatalaga ki mea tau tupe, me sea te tala fanoanoa io fakatagi tino e fai mai ne latou. Ke manatua faeloa o tausi au fakamatalaga o au faletupe mo akauni kia koe loa. Fakagata au sokotakiga taimi loa tena kae lippoti te mea tena ki te site fai famau.

Lippoti faifaiga se manakogina io me falotolotolua

Seai se tino e mafai ne ia o onosai a faifaiga fakatautoa, fakaitaita kae fakamatakutaku online i te taimi nei iloo latou e mafai io me maua manafai e faipati ki se tino i se paa io me se koga inu koofe. Talitonu ki ou lagona kae i kona loa na fakagata loa te sokotaki mo te tino tena e fai ne ia koe ke kaitaua io me mataku. Moa e lagona ne koe te maa o lipoti te fakalavelave kit e sevesi fai famau. Koe e fesoasoani kia latou kae fai se mea ‘lei mo nisi tino e fakaaoga te sevesi tenei.

Fai kae moa e isi se fakalavelave ma fetaui koulua mata ki mata.

Ko eke poto kae tokagamalie. Ke olo koulua o sautala fakafamau mo se tino fou se kalafaga fakafiafia i se mafutaga, kae fakatumau loa te faeteete. Tiga foki loa koe lagona ia koe ko gasolo o pili ki se tino i luga i email mo telefoni, koe tau faeloa o masaua me i te tino tena koi lasi loa se tino seiloa ne koe. Tela la e taua tena manafai e fakafesagai mo se tino, me ko te taimi muamua io me ko te fakalima taimi fetaui, koe ke fakatoka faeloa kae mafaufau ki mea nei fai mo te se fai.

Palanigina. Faipatigina. Faigina

Mea nei ko tau sautalaga fakafamau. Talia me nea mea koulua e manako mai ei koi tuai o fetaui. Moa te lagona te manavase ke na fetaui maimua koe o toka io me ki se too leva tela koe ko logologosala foki – se sutalaga toetoe muamua kae ‘lei.

Fetaui i te tokoukega. Nofo i te tokoukega

Te palani tokagamalie loa ko te fetaui i se koga e tokouke ei tino kae nofo foki i se koga tokouke tino. Sala loa tou auala ki kona mo te foki kae sa lagona te manavase o olo ki te fale mo tau famau. Kafai koe ko lagona me ko toka o gasue ki se koga seai ne tino, fakamautinoa me i ou fakamoemoega e pau mo tau famau.

Taumafai ke iloa ne koe te tino, kae se ko tena tala toetoe

Te faiga o fesokotaki a tino online e se pau i mo te mata ki mata. Sa ita manafai tau famau e tai faeteete manafai e fetaui koulua mata ki mata. Io me ko mea se fanofano ‘lei vave manafai mata ki mata

Seai loa se fanofano ‘lei? Fai sau fakamasakoga kae na fano.

Moa e se lei tou loto manafai e kati fakatoetoe te lua sautalaga faka famau manafai koe se manako ki ei. Seai loa sau mea e ‘tau o taui kia ia, tiga loa ne sautala koulua i se taimi leva io sea te mea ne mafaufaugina

Kafai koe ne pukemāloo io me fai malo ke amio masei i te lua sautalaga faka famau, a fesoasoani e avanoa.

Tiga loa me sea te mea ne tupu, Faifaiga moe fakatauavaga kae se loto koe ki ei se agasala tena. Pulusimani mo fakapotopotoga seai se togi e isi o fesoasoani kae ‘lago kia koe

Fakasekega o Mea fakaloiloi

Fakafanoanoa, tino e kese olotou uiga fakaasi. Site fai famau, social networks mo nisi sevesi internet e taketi ne kau fakaloiloi. Kau fakaloiloi e manako fua ki te mea e tasi kae tasi pau loa – tupe. Konei nai fakatusa o faifaiga fakaloiloi masani ke faeteete mai ei kae lippoti:

Fakapatonuga o te alofa – kafai se tino e fesokotaki mo koe ko kamata o fakaasi mai tona alofa kia koe i loto i se fia vaiaso (io me i aso io itula), faeteete. E tau mo koe o iloa te tino ko kamata ei koe o alofa ki ei. Fekau fakavave o te alofa e mafai loa mai se tino e taumafai o fakasao ki loto i tou olaga, mafai loa mo fakamasakoga see katoa loa. Fakaaoga tou mafaufau kae sa mataku o faipati ki se taugasoa mo se sua mafaufauga.
Akai ki sene – Mea nei e tau loa o tagi pela me ne peele fakailoa mese ate vaega o te fekau e vau i ei. Tino fakaloiloi e onoono ke maua ne latou tou loto alofa mai tala e fakamatala mai ne latou.
Tino e ofo mai ne ia sene – ko oi te tino e tuku sene ki tino seiloa i luga i site fai famau? Mea nei ne mea fakaloiloi katoa loa. E pau foki loa mo so se tino e kau ki te sure-fire get rich quick schemes. Tino fua kola e fia maumea fakavave ko te tino fakaloiloi me latou e faika ki fakamatalaga o au faletupe io me ko fakamatalaga o au sene.
Fakamatakutakuga mo fakatogafiti – mea nei ne pati mata’masei. Kae ko nisi kau fakaloiloi ne taumafai o fakamatakutaku ke mau sene mai tino kae se fakaasi a ata, ata mai webcam io me ko fekau kola ne mafai ne latou o maua mai tino online.

Fautuaga mo fakaseke tino fakaloiloi

Sa tali ki se akai ki sene.
Sa fakailoa valevale tau akauni i te faletupe io me ko nisi fakamatalaga
Ke faeteete koe i tala fakafanoanoa (sob story) – tino e fakailoa atu me fia aasi atu kia koe kae manako la o kaitalafu mo togi tena ticket/visa. Io me se tala ki te tino o te kaiga masaki masei kae manako se fesoasoani mo togi o vailakau.
E pena foki mo tala ‘gali ko too ‘lei ke mafai o tonu te feagaiga pisinisi e fai ne laua – kae moi isi loa ne la mu sene mo na ‘togi mua.
Matapulapula ki tala toetoe o tino kola e vave te ‘takolekole ki pokotiaga o tou loto’ – fai mai me se sotia tagata io fafine litaea, iko latou kola e fai ia latou ne fatoa ‘mate loa olotou avaga ke maua ne latou tou talitonu mo tou alofa
Sa fai te taimi ko teka mo se mea e fakapouli ei tau filifiliga. Vaega lagona penei e leva kii loa taimi ke sae mai i fekau, taimi tela koe ne fai ka talitonu kae fakataua ne koe te fakatasiga mo tou sokoga online. Te mea na se fai ne ia latou pela me tai loi malie.
O motou fakamasauaga e fakaagai ki fakatagi o te manakogina fakavave – ne sene manakogina i se taimi toetoe o fakailoa. Se tino kai mai kia koe ke fakaaoga a uaea sevesi mo ave a sene kia latou pela me se ‘lei.
Faeteete i se mafutaga ko koga mamao io me i fenua i tua: e mafai o tupu mea nei kae pela me se auala se mafai o isi se mafutaga ke kamata offline, tela la faeteete loa online.
Matea mafai te sokoga pela me ko se mafai o oko io me ko se galue ‘lei: tino e ofo mai ne latou napa seiloa mo sokotaki, tino kola pela seiloa ne latou mea ‘tupu i loto i te atufenua – faigamea, te tau o te aso mo nisi mea, tino kola e manako io me manakogina ke ave fekau i taimi se masani ki ei.
Faeteete manafai se tino pela me se mautinoa mo tena sokotakiga ki lotou manakoga, io me fakafokifoki faeloa ana mea io me ko masei te sokoga. Latou e mafai o se tali fesili io me fai fakamasakoga me kaia ne mafai ei o fetaui io me faipati i te telefoni. Lotou fakamatalaga toetoe io me sokotakiga e mafai foki o ‘lau fakatea mot e gana foki.
Sa tufatufa ata mo fakamatalaga kia koe io me nisi tino tela e ave ki se tino se auala ke pule ia koe. Tou ologa totino e tau loa o se ilogina ne se tino ke oko loa ki taimi ko iloa ne koe se tino fakalei kae ko kamata mai se fia o taimi o talitonu kia latou mo nisi mea.
Kafai e maua ne koe se tino e taumafai o fakatakutaku ke maua ana sene mai ia koe – saa fai. Latou e toe fokifoki mai ke maua atu faeloa. Lipootigina latou; kae tena la e tai masei i tau faka’tau, apulusimani e isi lotou kau ke olo o taua atu ki tino fakaloiloi, tuku ke puipui nelatou koe – mo nisi.
Sa mataku o fesili ki se taugasoa – manafai koe ko kamata o fakamaoni ki te lua mafutaga online io mata ki mata e mafai o ‘mafa o nofo ‘toka. Kafai se sokotakiga ko kamata o fai fakatea kae maise manafai a sene ko fakasae aka koe mafai fesili ki sou taugasoa io me se kaiga manafai koe pela se loko maina me isi se mea e tau o lipooti ki te sevesi fai famau. Kafai e fai mai ko ko eke tiakina i ei, fakalogo kia latou.

Lipoti se mea e ta se lei kia koe io me se fakalavelave

Samafaufau me tino fakaloiloi ne tino vaea mai tua koe mo nisi ka matea ne koutou i se taimi toetoe. Fakaloiloi se vaega pisinisi tela pela e masaki kae se pisinisi kialatou. Latou e fakaakoako o takolekole ki mea pele ki tou loto, fakaasiga o uiga atafai io me ne manakoga tonu. E fai atu ne latou a mea kola e manako koe o fakalogo ki ei.
Kafai e matemate ne koe se tino e faipati mo koe pela me se tino fakaloiloi, fakagata te sokotakiga kae lipootigina fakavave.
Koe se tau loa o fakavalevale o maa o lipooti se tino.
Se ko koe te tino e ‘tau o ma o fakagata.
Sose faifaiga fakatupu taua io me faimanea e tau o lippoti ki pulusimani

Fai famau online tokagamalie