Fuliga o tau router password
Pela loa password katoa, tau router password e tau o fakapatino loa mo tau router, kae ke moa loa e pau mo nisi mea kola e fakaaoga ne koe ki nisi mea faigaluega io me ki au akauni online.
I te feitu pepa tenei, ka fakamatala atu ne matou me fuli pefea te password mo te lasiga o router.
Kafai e isi ia koe, onoono ki te router user manual ki security settings.
- Tala tau web browser (pela mo te Internet Explorer, Chrome, Firefox io me Safari) kae faulu te address o tau router ki loto te browser address bar. Mea nei e tau o tuu i loto i te tusi fakatonutonu (instruction manual). Ukega o vaega router e isi ne napa 192.168.1.1. toko te enter, e mafai koe fai atu ke faulu te administrator password, tela e mafai o tusi i te label o tau router.
- Koe ka ave ki se page tela e fakaata mai ei se web page, kae mea la e mai loto i tau router. Kafai koe e paki i te Administrator tab, koe ka mafai o faite fakamafuliga, pela mo te fuliga o tau password.
- Toe mea fakaoti, fakamautinoa tau wireless network e encrypted, ko te mea ke se mafai o fakaaoga manafai e seai se key tonu Te feitu pepa tena mai luga e fai ne ia ke mafai o fai te mea nei, mo fakatonuga e tau katoa loa o tausi i loto i te user manual. Kafai koe e fakaasi atu ke fai sau filifiliga i levolo o puipuiga, fili te levolo maluga (WPA mo te WPA2 manafai e avanoa). Masaua o fakamau ki lalo te authorisation key ko te mea ke mafai ne koe o fakaoga manafai koe connect ki wireless devices fou.
Fuliga o tau router SSID
Tiga loa a tusi fakatonutonu o router taki tasi e tai kese malie maise ki luga i fautuaga e tuku mai, te fakatokaga e tai paupau katoa loa mai luga i koga ne faite mai ei. Igoa o menu mo setting e mafai o tai seke malie foki.
- Sala tau router’s IP address.
- Login ki tau router’s administration console.
- Fuli te SSID mo te password.
- Fakafou (update) te connection ki mea faigaluega katoa.
- Te mea muamua ke sala te router SSID. E mafai ne koe o fai i te aasi loa ki te router, kola ko oti foki loa ne tusi ei a te igoa o te network mo te password.
- Te lua, sala ko te router local IP address kae log in ki tau web browser ke maua ne koe te admin console. Kafai ko tuu mai, ko faulu ne koe a te username mo te password ke mafai ne koe o maua te control panel.
- Mai te admin console, sala te vaega o te Wi-Fi setting kae fili (select) Wi-Fi setting.
- IP addresses e kesekese mai te router e tasi ki te sua router. Kafai se mautinoa, e mafai ne koe o aasi tau router manufacturer’s website io me ko tusitusiga mo te local address mo login.
- Sala te SSID io me ko te koga e tu ei te igoa o te Network. Faulu (enter) te igoa e manako koe mo tau router, mo se aofaki e se silia atu i te 32 mataimanu. Aasi me kese mai nisi igoa kola e sae aka i tau meafaigaluega tena ne connect, pela foki mo mea kola e se connect mo koe, tino o tou kaiga io me nisi i ou tafa. Kafai e manakogina, tusi ki lalo.
- Taipa ki loto tau Wi-Fi password i loto i te koga tena e fakavanoa atu kae fakaaoga (apply) a fakamafuliga (changes).
- Ka maua ne koe i tau wireless device ka se connect ki tau network, tena la koe e tau o update au fakamatalaga o tau network connection ki au mea faigaluega katoa kona e connect ki tau router.