- Fakatu ne nai fakatonuga mo tau tamaliki koi tuai o maua tena ‘connected device’ (mobile, tablet, laptop or games console) muamua. Tasi loa e maua, e mafai o na faigata ke fuli te auala e fakaaoga io me seti.
- Fai ki tau tamaliki me e taua kii te tausi telefoni mo niisi mea faigaluega ke puipui kae funa fakalei kafai e se nofo ite fale, ke fakafoliki te pokotiaga mai te kaisoa io me galo.
- Faipati mo tau tamaliki me sea te mea e saogalemu kae taugatonu o post kae share online. A tusitusiga o mau, ata mo vitio e fakafoliga kise vaega o te ‘digital footprint’ kae mafai o lavea ne tino kae avanoa i luga ite internet kite se gata mai, kafai foki e solo.
- Faipati ki tau tamaliki e uiga ki mea kola e lavea ne latou online. A latou e mafai o onoono ki fakamatalaga ki mea tau mafulifuliga ote foitino kae salasala ki vaega vasia fakataugasoa. A latou foki e tau o malamalama ite taua ote se kave ki niisi tino – tiga me koi – ata o latou e seai ne gatu.
- Masaua me i sevesi pela mote Facebook mote YouTube e isi se pogai ote fakatapulaga ote matua ote tamaliki tela e 13 tausaga fano ki luga. Sa too i lalo i takolekolega a tamaliki, faipati ki niisi matua mo olotou akoga ke tasi te maina i feagaiga kona.
- Fakamaina ki tau tamaliki me ite fano online e se mafai o funa me koi a ia pena foki mote puipui, kae ke se fai mea kola e mafai ne latou o fai mata-ki-mata.
- Mafaufau o seti ne fakatonuga io me ne mea puipui. Kafai koe se maina me fai pefea, sili ki ne fautuaga mai i taugasoa e maina i computer io me ko tino poto ite fai computer.
Fesili e tau o fai ki au tamaliki
- E iloa ne koe a tino katoa i tau fakasologa ‘friends’?
- E iloa ne koe o fakaaoga kae seti te privacy mote security settings?
- E mafai o fakaasi mai ne koe me fai pefea?
- E isi ne au tusitusiga e maua mai i tino seiloa ne koe? Kafai e isi, e fakaagai ne koe pefea?
- E iloa ne koe se tino tela kooti ne fakatoka ana palani ke fetaui mose tino tela e faipati saale fua laua online?
- A tino i au kau faitaugasoa kai fai mea fakatautoa aka loa kise tino ia latou io me ki niisi tino, online io me i luga ite telefoni? Kafai ne pena, nea olotou pati e fai saale?
- Kai isi aka loa se tino e fakatautoa atu kia koe? E fakailoa mai ne koe kafai e isi?
- Kai aka loa se tino i tau akoga, io me sose tino e iloa ne koe, e puke ne ata seai ne gatu io me ata masei kae kave ki niisi tino, io me ne maua ne vaega ata pena?