- E seai se taimi fakatapulaa te aofaga o puipuiga … tau tamaliki e mafai o mafaufau me aia ko matua, kae latou e koi manakogina loa tou poto mo te atamai o fakamaina
- A koe e mafai o kamata ou mafaufau me I tau tamaliki e lasi atu tena malamalama i mea tau tekinoloti ia koe, kae e mafai o tonu koe. Taumafai o fai ke iloa ne koe i taimi katoa ana mea e fai kae faimanatu mo tau tamaliki mea kola e iloa ne koe.
- Faipati tonu ki tau tamaliki ki luga ite sukesuke mataupu ki luga ite olalei, olagalei, ata fakaasi mo kiloga fakatagata fakafafine o latou mo niisi online. A latou e mafai o suke ne fakamatalaga se tonu io me fakamataku online ise taimi faigata i olotou olaga.
- Sukesuke a seti ne fakatu ite parental controls me taugatonu mo tausaga a tau tamaliki kae fuli gina kafai e tau. E mafai o akai atu ke talitonu atu kia latou kote mea ke tamate katoatoa, kae mafaufau fakalei koi tuai o fai ne koe kae lotomalie muamua me nea uiga e saoloto online.
- Faipati tonu foki ki tau tamaliki me nea ana uiga e tau o fai ki niisi, maise loa ki luga i mea kola e post online. Loto fiafia o faipati tonu ki luga i fakatautoaga, mote post mea fakamae loto, fakaloiloi io me ko tusiga se tonu. Fakamaina kia latou te fakamataku o amioga pela mote sexting kae te fakaaoga see o webcams.
- Tuku ki tau tamaliki fakatonutonuga ki luga ite aofiaga o olotou fakatauga sene mo fai olotou fiafiaga pela mote download apps mop ese, kae lotomalie ki fakanofonofoga koi tuai kote mea ke fakasoa fakalei olotou sene. Sa tuku sao katoa te taliaga ki tau card fai tupe io me ko niisi fakamatalaga tau tupe.
- Fakamaina fakalei i tou mafaufau i vaega copyrighted material mote kopi aunoa mose taliaga kote mea ke fakamatala ki tau tamaliki mea kola e saoloto ite tulafono mo mea kola e se saoloto.
- Kafai tau tamaliki e isi sena iloa i tekinoloti – kae lasi te iloa mai niisi – a latou e mafai o pokotia gofie i sukesukega mote ulu ki fakamatalaga tapu mai luga i websites o niisi tino io me ko kamupane. Hacking i luga i vaega tupulaga penei e se lasi, kae e isi loa. Fakamaina te fakamatakuga mo pokotiaga.
Konei ne nai fesili e mafai o faipati koulua mo au tamaliki ite vaitaimi nei ko tai matua:
- E iloa ne koe a tino katoa i tau fakasologa ‘friends’?
- E iloa ne koe o fakaaoga kae seti te privacy mote security settings? E mafai o fakaasi mai ne koe me fai pefea?
- E isi ne au tusitusiga e maua mai i tino seiloa ne koe? Kafai e isi, e fakaagai ne koe pefea?
- E iloa ne koe se tino tela kooti ne fakatoka ana palani ke fetaui mose tino tela e faipati saale fua laua online?
- A tino i au kau faitaugasoa kai fai mea fakatautoa aka loa kise tino ia latou io me ki niisi tino, online io me i luga ite telefoni? Kafai ne pena, nea olotou pati e fai saale? Kai isi aka loa se tino e fakatautoa atu kia koe? E fakailoa mai ne koe kafai e isi?
- Kai aka loa se tino i tau akoga, io me sose tino e iloa ne koe, e puke ne ata seai ne gatu io me ata masei kae kave ki niisi tino, io me ne maua ne vaega ata pena?