- Kamata o seti ne puipuiga, i tausaga foki koi foliki penei … e seai se tapula ki te kamataga o fai a mea pela mo te seti a tapula mo te aofaki o taimi e fakamaumau I luga ite computer.
- Fakamautinoa i mea faigaluega pela mo tau mobile, tablet io me laptop e se oko kiei a lima. Fakatu ne passwords/PINs kae fakatonu me a koe e tausi mea konei kia koe ailoa.
- I luga i computers, TVs mo niisi mea faigaluega tau tamaliki e saoloto kiei, seti ne parental controls kite tausaga e taugatonu, kae fakaola te taliaga ki fakamatalaga lelei. Kafai koe e seiloa me fai pefea, fesili kise tino ite kaiga io me se taugasoa tela e isi sena ata mai. Io me pefea, salasala ki fautuaga mai se tino poto.
- Togi io me download te software tela e mafai ne matua o fakatonutonu saolotoga i luga ite computer, fakaola ke ola kae fakafou saale gina. E uke vaega i luga ite maketi, kola e kesekese auala e galue iei kae avanoa i togi valevale, kamata mai lalo I mea seai se togi.
- E isi ne Internet Service Providers (ISPs) e ofo ki olotou tino togi ne parental controls seai se togi kae tela e kafi o fakaola i sose taimi. Onoono atu kia latou kae puke ke aoga.
- Togi io me download fua apps, games, online TV mo tamunei kola e isi ne tapula ki tausaga saoloto, kola e tau o onoono koe kiei koi tuai o fakasaloto tau tama ke tafao io me onoono iei.
- Fai fakatasi ki tupuna, tino tausi au tamaliki mo matua o olotou taugasoa a tulafono tau tekinoti ke iloa ne latou me nea mea e tau o fai kafai ko onoono latou ki tamaliki.
- I taimi e fakaaoga iei te public WiFi – pela mo kog inu koofe io me i fale tali malo – masaua me e mafai o se ulu iei a parental controls. Te tuku saoloto tau tamaliki ke tafao mo tau mobile io me kote tablet kae ko koe e inu koofe e mafai o iku latou o ulu ki loto i vaega se taugatonu mo latou io me fakaasi ne fakamatalaga taua.
- Kafai e isi sau computer io me se tablet ate kaiga, seti te homepage kise mea e taugatonu io me se website a tamaliki tela e fakatalitonugina.
English
