Te faite mo te fakatau atu o mea fakaloiloi e tapu. ‘Togiga o mea fakaloiloi, tiga i ei e saoloto, manafai ne fai ne koe kae iloa loa ne koe. Tiga loa tulaga tenei, e uke kii loa pogai kola e se tau ei o fai ne koe.
A Pokotiaga
- Te masani, a mea fakaloiloi e se lelei loa olotou tulaga fakatusa ki mea ‘tonu loa kae tai se matagali foki, i mea pela mo gatu, se ofi ‘lei kae pela mo mea tau iti, e galue ‘lei. Kae mafai foki o se taugatonu mot e manakoga.
- Togiga o mea fakaloiloi e mafai o fai ne ia tou olaga saogalemu (pela foki nsi tino) kise tulaga fakamataku. Mea tau iti ‘loi e seki aasigina pela mo mea tonu, tela e mafai o fakamafua ne ia te sooki io me kaa se afi.
- Mea fakamanogi mo nisi mea fakagaligali ‘loi, pela loa mo te masani, seai ne tofotoga tela e mafai o isi i loto ne vailakau poisini.
- Nisi websites e fakasalalau kae togi mea fakaloiloi e fakamataku i te fakaaoga me mafai ai o kaisoa ou fakamatalaga totino, kae/io tau computer io tau mobile ka pokotia i malware.
- ‘Togi o mea fakaloiloi e fakamasei ne ia pisinisi a tino kola e faite mea tonu, mo olaga o ana tino galue. Kae fakafoliki foki ne ia teaofaki sene e vau ki loto i te maumea o tou Atufenua.
- Nisi mea fakaloiloi e faite ne tino puke fakapagota.
- Sene maua mai te fakatau atu o mea fakaloiloi e lasi loa te fakaaoga mo fakatupe ke mumea aka faifaiga takafiatoa fakamataku pela mo te kaisoa, fakapologa mo te taatino.
- Au mea kola ne faulu ki loto i te website fakatau mea fakaloiloi e mafai loa o fakaaoga ne tino amio masei, mea pela, e mafai ne latou o faite ne website fou kae tapu i te tuilafono kae fakamau ki lalo pela me ia koe te website.
- Faitega mo te togiga o mea ke maua ai ne sene mai te fakaaoga o te saolotoga o te suatino kae seai se fakasaolotoga ne avatu ne ia se agasala tela e ‘mafa kii lo ate fakasalaga ki ei, aofia ei te lasi te aofaki sene mo togi io me pei ki te falepuipui.
Kafai koe e manako loa o togi mea fakaloiloi
- Tiga loa tou fia fai ke na puke ou lima ki se mea, seiloa togi atu fua te mea fakaloiloi, ona po pogai kona mai luga.
E fai pefea ke se mafai o togi ne koe mea fakaloiloi.
- Togi mai tino fakatau kola e mautinoa me tonu mai te mea ko ila ne koe io me fakatuagagina. Faitau forums mo blogs.
- Aasi a te ‘gana mot e sao o tusiga o muna e fakaaoga i websites – aofia i ei tusiga o muna ke sao o te fakatuatusiga o te website. Tino fakaloiloi a masani o fai ne fakamafuliga foliki i te fakatuatusiga o fakaloiloi ko ke talitonu me tonu eiloa.
- Kafai koe e togi mai i site fakakapotaeka, aasi ki fakatalitnuga o tino fakatau, kae faitau ki mau a tino.
- Faeteete mai mea e fakasalalau i luga i social media sites io me e fakau e aveave i text.
- Aasi ke lavea ne koe me isi se fakatuatusiga o te tino fakatau, kae se ko te bokisi meli io me ko te fakatuatusiga o te email.
- Aasi mo se fakanofoga mo fakafoki sene io me se fakaaptonuga te ‘lei o se mea ne togi’. Lasinga o tino fakatau fakaloiloi.
- Kafai se mea e masani saale loa o togi ‘mafa kae koa aafa lua tena togi, fesili ifo kia koe me kaia e fai penei.
- Aaasi me i te payment page e puipuigina – faitau ki te omotou page o fautuaga
- Sa togi mea ki bank transfer, se fakatagi ke avatu te togi i te auala tenei e fakaasi mai ei me se mea masei, kae tau faletupe e se mafai ne ia o fakafoki atu au tupe.