Sua mea, te peiga ki kaiga o smartphones mo tablet faka’lei e fakamautinoa ei te foliki o te pokotiaga kit e enivalomene kae fakamautinoa foki ia koe se soli tulafono.
A Pokotiaga
- A fakamatalaga totino e tausi i file i luga i tau meafaigaluega – aofia ei ou sokotakiga, ata, video mo email attachement – e mafai o maua kae fakaaoga mo faifaiga a tino amio ma’sei.
- Sose password e tausi i luga i tau meafaigaluega e mafai o fakaaoga mo olo ki luga i website kola puipuigina kola e tausi ei a fakamatalaga totino mo au sene.
- Sose tala fakasolopito o mea ne browse e mafai faeloa o toe fakaaoga.
- Emails e tausi i luga i tau mea faigaluega e mafai o toe fakaaoga.
- Peiga o tau mea faigaluega kae ne se tapale a fakamatalaga kola e e manakogina ne koe fakamuli e fakamafua ne ia fakalavelave mo pokotiaga.
Peiga faka’lei ke saogalemu
- Fakamautinoa i data katoa e copied mai tau mea faigaluega i te syncing mo tau computer – io me fai sua mea fakaleoleo i luga i te cloud – kae toe fakafokigina ki tena tulaga ne aumai ei mai te koga faite.
- Mo telefoni Android, faigina te encryption ki tau mea faigaluega mai mua o fai ne koe ke foki ki tena tulaga mai te koga faite. Apple iPhones ko isi loa sena polokalame hardware encryption by default – te mea tenei e se maua o fakaseaoga ne se tino. Ke fakatalitonugina katoatoa me i au data ko oti katoa loa ne solo, e ui ei, download kae fakaaoga meafaigaluega kola e solo ne ia data.
- Kafai te meafaigaluega ko oko ki te fakaotiga o tena ola kae ko koe e se manako o togi ki tua io me tuku ki se tino, ave loa ki se koga tela e panaki mo te peiga fakalei (manafai e isi), tela ko mafai ei o fakamautinoa me ko oti ne tala likiliki mo nisi vaega ko oti ne toe fakaaoga faka’lei kae atafai.