Koe e tau o iloa ma ka ave tau penitini teu ki loto i se scheme penisone se fakatulafonogina io me se maumea fakagalue, io me ko koe ko tautali i se panisone fakaloloi, koe ka mafai loa o galo se aofaki tai lasi, io me ko tou penisone teu katoa, kae mafai foki o panaki mo koe te togiga o fakatokatokaga kola e mafai o fai. Te kau fakaloiloi o mea tau penitini e ‘poto kii loa kae uke olotou auala: e fakaaoga ne latou e uke vaega auala ke maua ne latou au sene. Kae e uke foki a fakailoga e fakaasi mai kola e mafai o fesoasoani ke ‘poa a amioga fakaloiloi io me ko faifiaga kola e fakaaoga mo puipui koe mai ei.
E ‘poa pefea te amioga fakaloiloi
- Koe e tau o faeteete manafai:
- E maua ne koe se sona fakailoaga kia koe mai te telefoni, aula i email io fekau mai text io me kalaga mai tua fua i tou mataloa.
- E maua ne koe se ofo ki te mafai o maua ne koe tou peitini io te penisone mai te kampane mai mua o oko koe ki te matua ‘tau.
- Maua ne koe se ofo o ave au sene ki se maumea fakagalue i tua, mose mea e maua ne fakapatonu e 8% io me maluga atu.
- Maua ne koe se ofo io fakailoa mai se ‘maumea fakagalue tasi taimi’, se ofo mo se vaitaimi fua, sene togi mai muamua, ‘iloiloga o te penisone seasi se ‘togi’, ‘totoga i tulafono’ io ‘palani a te Maloo’
- Fai mai kia ko eke avatu tou napa telefoni mo te fakatuatusiga o tou fale mo/io fakamatalaga o au mea tau sene totino, manafai koe ne fesili salasala ki olotou meafaite io me ko ofo.
- Fai maloo mai ko eke fai fakavave te faiaga o te avega, auala i te fakaaoga ne latou sevesi aveave kope io me se sui faimaloo.
- Fakamatalaga o tino e kau e se mafai o fakailoa atu, e isi io me seai se fakamatalaga.
- E vatu fua kia koe fakamauga o mea kola e maketi, kae mutana fua fakamtalaga o fesokotakiga o te tino fakatonutonu io mwe ko te kampane e aumai ne ia a ofo.
Seasea loa – pela mo te masakisaki – tulaga pena e mafai ei o maua au sene mai mua o te tausaga masani mai tau scheme i te vaitaimi nei.
Puipuiga mai Penisone fakaloiloi
- Sa fakaasi ou fakamatalaga totino io me ko au sene ki se tino telefoni se aava mai, io me tali ki se email io me se text.
- Sala ke uke au fakamatalaga ki te mea e mafai ne koe ki so se fakamatalaga ki te Kampane – taumafai kit e internet muamua, kae faeteete i website kola ‘gali.
- Kafai koe se mautinoa i se ofo ne maua ne koe io me se mea pela e tagi ‘lei, ‘sala ne fautuaga mai tino atamai.
- Sa fakavavevave, manavase io me faimalo kef ai ne koe se ikuga ki tau penisone.
- Pule loa koe i tou taimi kae aasi fakalei koi tuai koe o fai.
Kafai koe ne telefoni mai famaualuga kae masalosalo me se mea fakaloiloi
- Lippoti ki pulusimani
Kafai e mafaufau koe ia koe se tasi ko pokotia i penisone fakaloiloi
- Fesokotaki ki te scheme penitini tela ka ave au sene mai ei fakavave loa – me mafai loa latou o taofi te avega manafai seki fano.
- Lippoti ki pulusimani