A Pokotiaga
Tau computer e mafai o pisi mai te ransomware pela mo te CryptoLocker io me ko te WannaCry manafai a koe e fai mea nei aunoa mose iloa i pokotiaga.
- Tala se tusi tela e pokotia kae piki ite email.
- Toko ise link e pokotia tela e nofo i loto ise email, instant message, social networking site io me niisi website.
- E aasi kise website ko pokotia – taulasiga o latou konei ne vaega kola e isi ne ata masei iei.
- Tala ne files kola ko pisi mai web-based digital file delivery companies (pela mo Hightail – muamua e fakaigoa ki te YouSendlt, mote Dropbox).
- Te tala o macros i te application documents (word processing, spreadsheets etc).
- Te soko a vaega mea faigaluega USB (pela mo, memory sticks, external hard drives, MP3 players).
- Faulu ne CDs/DVDs kola ko pisi ki loto i tau computer.
Avoiding Ransomware
- Sa tali ki, io me paki ki links online kola e aofia i loto i emails kola mai kamupane io me ne tino e seiloa ne koe.
- Aasi fua ki websites kola e iloa ne koe kae lauiloa.
- Install faeloa a updates ki software mo apps – aofia iei operating systems – manafai ko tuu mai te fakailoga ke fai.
- Fakamautino me au antivirus/antispyware software mo te firewall e fakafou saale kae e ola koi tuai koe o fano online.
- Masani o back up au data katoa, aofia iei kise USB-connected device tela e tausi ise koga e mao mo tau computer. Te mea e fai me i niisi ransomware e mafai o fakapisi tau cloud-based storage.
Kafai e isi se ransomware i luga i tau computer
- Ke sala kae ave keatea a te ransomware mo niisi software masei kola e mafai o nofo i loto i tau computer, fakatele se full system scan mo se vaega puipuiga tela e fou kae taugatonu mo ia.
- Kafai tau computer ne loka ne te ransomware, sala kise fautuaga maluga mai se koga e fakatalitonugina.
- Masaua me kafai te tupe e togi, te tino masei e seasea loa ko tala a files kola e loka.
Kafai koe ne togi ke matala au files
- Lipoti te mea ne tupu kite pulisimani