Suiga ote Windows 7

A Pokotiaga

• Pela mote seai se fakafouga o security e fai, tau PC tena e fakaaoga te Windows & e faigofie te pokotia i malware, mo tino masei e iloa kii ne latou te vaivaiga tenei.
• Vaega malware e mafai o fakaaoga ne tino amio masei mo se aofaki o pogai, e aofia iei:
• Ke kaisoa au fakamatalaaga totino mo fakamatalaaga tau tupe mote fakamoemoega ke fakaloi loi koe
• Ke fakapisi tau computer kite ransomware
•  Ke fakataunu te kaisoa iloga totino ke fai ne fakatokaaga kite faletupe ke faite ne akauni, passports mo niisi vaega i tou igoa.
• Ke leoleo tau email mo niisi fesokotakiga.
• Ke fai tau PC mese vaega ote botnet, tela e masani o fakaaoga o teke a websites o fapotopotoga maluga io me ko websites ate malo.
• A koe e mafai o se maua gofie o fai ke sevesi tau Windows 7 PC io me faite.
• Se aofaki e gasolo o lasi i mea faigaluega mo polokalame software ka se galue mote Windows 7.

Pokotiaga Faopoopo ki Pisinisi

• Faopoopo kia latou mai luga, a koe e pokotia mai tino seai ne saolotoga e ulu atu ki loto i tau information systems, tela koa iku ki au data ke maua io me kaisoa, se tautali ki tulafono mo insurers’ mo/io me ko customers’ standards mote soli tulafono ote GDPR.
• E faigata sose fesoasoani tau hardware mote software e avanoa mote sevesi ote Windows 7 systems.

Koi tuai o fai ne koe sose mea mai ia latou konei ka tuku atu, e taua kii loa ko koe ke back up au data i luga i tau PC kae fakamautinoa me e mafai o maua kae toe fakafoki mai i luga se mesini fakatea.

Fakafou Saale Tau Computer

• Te mea muamua, e tau o fai kote faulu te Windows 10. Tiga iei, e uke computers matua e se mafai o fakagalue te Windows 10 ona kote faigata o manakoga ote hardware. Microsoft e fautua ke aasi me taugatonu i konei. E mafai o tonu me seai se togi mana fakafou kite Windows 10, kae e fano ki luga i fakanofoga. Kafai a koe e isi sau vaega ote Windows 7 ne faulu kae ne fakatonu ne Microsoft, a koe e mafai o fakafou seai se togi ite Microsoft Store.

Kafai tau PC e se mafai o fakagalue te vaega fou ote Windows, a koe ko tau o togi se mea fou.

• Kafai e togi sau PC fou, a koe e tau o kave au mea mai luga i tau mea mua Windows 7 kite mea fou.
• Kafai koe e manako o taofi tau PC mua kae se fakafou, e isi niisi auala pela mote ‘dual booting’ mote tasi o te uke o vaega ote Linux operating system. Te mea nei e faka avanoa koe ke fakataunu katoa a fekau takitasi online mai Linux, kae offline tasks pela mote word processing, spreadsheets mo te photo editing ite Windows. Te vaega tenei e lasi te taimi e fakamaumau kiei mote taumafaiga ke faulu, kae e lasi te aofaki websites kola e ofo atu fautuaga mo takitakiga.
• A koe e mafai o mafaufau ke fuli ki se computer fou tela e galue i luga ise platform fakatea, te tasi e soko kte fili kote Apple Mac, io me ko vaega fou o netbooks pela mote fakaaoga Google’s Chrome, io me ko vaega a Microsoft netbook.
• E tau o toe mafaufau me a koe e manakogina se desktop io me se laptop PC ona e uke faiga e fakaaoga ne koe e mafai fua o fai i luga ite tablet, tela e lasi te vaega e faite mo tulaga ke fili mai iei, tela e nofo mai te sub-£50 vaega ki latou kola e togi ki selau pauni.

Pisinisi & Enterprises

Pisinisi mo enterprises koi fakagalue loa te Windows 7 e tau o fakatoka fakavave se aofaga mo te olo kite sua vaega, tela e mautinoa e aofia se fakamaumauga e lasi ki luga i hardware fou, vaevaega mo applications.

Pisinisi Foliki kite Lasi Malie: E uke a vaega e foliki mote lasi malie e mafaufau ke fuli ki PC fou kola e aofia iei te fou o galuega e fai mo fai galuega i fesokotakiga tasi. A koe e tau o faipati ki se Microsoft Certified Partner ke malamalama ite auala lei ke agai ou manakoga. Kafai tau PC nei e fetaui mote manakoga ote Windows 10, e kafi o togi ne koe te Windows 10 Professional mai se tino togi io me kote Microsoft Certified Partner. Kafai tau PC e se fetaui mote manakoga, mafaufau o togi se PC fou mate pisinisi tela e isi se Windows 10 Pro.

Pisinisi Lasi & Enterprises: Microsoft e ofo atu ki fapotopotoga lasi se in-depth technical resources, mea faigaluega, mo fautuaga mai tino poto ke faigofie te fakagaluega mote fakasoaga ote Windows, Office mote Internet Explorer products mo tekinoloti. Ke faopoopo te iloa ite migration mote deployment programs, fesokotaki ki tau tino togi Microsoft io me ko te Certified Microsoft Partner.

E Upgrade pefea kite Windows 10

Ke onoono me ia koe e saoloto ki se fakafouga seai se togi, fano ki tau Control Panel mai te Start Menu, fili te System and Security, ko fano iei ki te System. Scroll ki lalo i te window: i kona e fakaasi kafai ate laisene e ola. Tau PC e tau o nofo mote Windows 7 Service Pack 1, tela e pen ate nofoga kafai tau PC e fakafou. I te www.microsoft.com/en-gb/windows/windows-10-specifications a koe e kafi o noono kafai tau PC e nofo mote vaega foliki o faifaiga ke fakafou ki te Windows 10.

Back up au files ki te cloud io me se mea tausi fai galuega, ke fakaseke i sose avanoaga ke galo latou ite fakafouga.

Fai ke maua te Windows 10 Media Creation Tool mai http://www.microsoft.com/en-gb/software-download/windows10

kae fili te ‘Download tool now’. Tasi ko downloaded, tala te file kae faitau kae lototasi ki tulaga mo fakanofoga. Fili te ‘Upgrade this PC now’. Kafai e se lava avanoaga i tau hard drive, a koe e tau o faka saoloto ne avanoaga kae fakatele te installation mai se USB stick. Te setup e takitaki ne ia koe ite fakatokaga tenei.

A koe ka fesili me fili me a koe fia taofi au file mo polokalame. Kafai koe e manako ke kamata fakalei kise operating system maa kae kooti ne back up au files, a koe e mafai o kave a files mo polokalame e manako koe ke taofi ki luga i tau computer mana oti te fakafouga, io me kafai ko manako koe iei. Kafai e fili ke se taofi au file mo polokalame kae mafaufau me ka manako koe ki ei i se taimi, fakamautino me koi nofo mo koe ate kii ote laisene.

Ko fakatele iei te fakafouga. Te mea nei e mafai o uke itula, fakatau kite makini o tau PC mote internet connection.

Tau computer e toe kamata a ia i se aofaki o taimi, mea loa ko tuu mai te Windows 10 welcome screen. Ka fakatuu mai ne vaega ke fili e uke, ko fai atu iei ke saina ki loto i tau akauni Microsoft, kafai e isi. Sala kae paki ki te ‘activation’ I te Start Menu ke fakanofo me tau Windows 10 laisene e ola. Kafai se ola, a koe e tau o togi se laisene fou.

Kafai e tau o Pei Tau Computer ko Leva

Masaua, e taua kii ke fakamalolo kae pei tau computer ko leva fakalei, i pogai e lua konei:

• Te data i luga i tau computer e mafai o faigofie te ulu ki loto iei, me togi ki tua, fakalapisi, tuku ma se tino io me fakameaalofa, kae kafai foki a data ne ‘solo’ e kafi o toe maua ise auala mama ki tino masei. Te pei fakalei o computers ise auala tau e fakamautino te fakafolikiga ote pokotiaga mote fakamautinoa me e se ofa ne koe ne tulafono.
• Famolemole onoono ki omotou fautuaga i safe computer disposal ke mautinoa me sao e faiga ne koe.