Sukesukega ne maua mai ia Get Safe Online e fakaasi mai te aofaki o te fuainumela e uiga ki matua mo tafaoga a olotou tamaliki online:
– 51% e manavase ite puipuiga olotou tamaliki
– 37% e lagona me e seai se lotou malosi o taofi tamaliki ite tafao online
– 24% e seiloa te pokotiaga ki luga I tamaliki mai te fai tafaoga online
– 25% e iloa olotou tamaliki kooti ne tuku fakamatalaga totino ise taimi e tafao iei online
– 34% e fai me i olotou tamaliki kooti ne faipati mo se tino seiloa ne latou ise taimi e tafao iei online
– 16% e fai me olotou tamaliki ne fakatautoa io me pati mafa
A pokotiaga
A pokotiaga e lasi te mai ite uke o tino mai te fenua tenei fakatasi mo fenua i tua kola foki e tafao, te foliki o fakatonutonuga e aofia iei mote iloa iei me e se mata-ki-mata. Mai te pogai tenei, tau tama e se mafai o mautinoa me koi e tafao mo ia, kae faipati kiei … io me nea olotou manakoga lilo. Fakafanoanoa, me e mafai o taki ne tino masei ki uiga fakamoe tauavaga, fakatautoa, fakaloiloi io me ko niisi auala faka amio masei ko gasolo loa masani o tupu. A pokotiaga e fanaka kafai e faopoopo a tafaoga e tafao i luga I mea faigaluega aveave ilo te ‘computer a te kaiga’, me e foliki te avanoaga ke aasi me nea mea a au tamaliki e fai online.
Niisi pokotiaga e aofia:
- Tau tama e tafao i tafaoga kola e se fetaui mo ona tausaga.
- Tau tama e fakatele te togi o ana tafaoga ki tau credit card – kafai e saoloto iei.
- Te lasi te fakamaumau itula o tafao online kae aunoa mo se fakamalosilosi te foitino, fakafiafia mo tino mo te fai mea akoga.
Fai ke saogalemu tafaoga online a tau tama
- Fai ke matala te avanoaga kae ke faipati tonu mo au tamaliki ki olotou tafaoga online mo pokotiaga e aofia iei.
- Akoako au tamaliki ki mea fakamataku kafai e fakaasi fakamatalaga totino pela mo tuatusi o olotou email, fale, olotou kaiga io me ko fakamatalaga tau sene.
- Fakamatala me se ko tino katoa e fai me ko latou loa kona e fai latou kiei, kae olotou manakoga lilo e mafai o masei.
- Fai ki au tamaliki ke se tali ki mea fakatautoa io me ko niisi vaega fakatautoa, kae ke lipotigina fakavave.
- Kau ki au tamaliki i olotou tafaoga online i nai taimi kae i taimi kesekese. Te mea nei e fai ke iloa ne koe me nea tafaoga e tafao iei kae me koi foki e tafao kae soko mo latou.
- Fakatu kae aasi saale ki te aofaki o taimi i te aso io me i te vaiaso te taimi e fakaaoga ne au tamaliki o tafao online.
- Aasi ki te fakatauga o tausaga ki tafaoga ke mautinoa ia koe I au tamaliki e se tafao i mea e se tau o tafao iei. E isi se pogai e 18 eie!
- Sa tuku ki tau tamaliki au fakamatalaga i au card fai sene i mea faopoopo e mafai o togi mafa.
Mo tali ki fesili masani a matua mo tino tafao i tafaoga vitio, fakatauga o tausaga mo niisi fautuaga ki luga ite tafao fakalei, aasi kite http://askaboutgames.com
Fakamatalaga faopoopo
A fakamatalaga fesoasoani ki matua mai te UK ki luga i te tausiga ke saogalemu tamaliki mai te tafao I tafaoga online: http://www.everybodyplays.co.uk/parents-guide-to-games