Ke faopoopo ne vaega faopoopo ki te multiplayer element. Te kau tafao e masani o fesokotaki e auala i integrated chat io me faipati i luga i mea faipati (microphones) io me ne headset. Uke a tafaoga – mai tafaoga fua pela mo chess mo lami ke oko loa ki tino fanafana mo tafaoga fakaofoofogina/fakamataku kola e lau i afe o tino e mafai o tafao i te taimi e tasi – e aofia i mea konei. Ko lasi te fanakaga, tafaoga online ko aofia te fakaaoga o tine tupe ko ‘togi in-game property.
A Pokotiaga
- I loto i Massive Multiplayer Online Roles Playing Games (MMORPGs io me ko MMOs), te paeakiga o tokofia online o tino seiloa kae se mafai foki o fakamasino, se maua o fakasoa a faipatiga, e mafai o fakatupu se tai fakamatakuga pela mo:
-
- Fakatausee io me sona tuku ou fakamatalaga totino, pela mo password, email io mo te fakatuatusiga o tou fale io mo ou tausaga.
- Aofia katoa i ei a fakalavelave kola e ‘tupu mai online chatrooms.
- Downloading mea fakaloiloi kola e faimai ke fesoasoani kia koe kae tela la te tonuga, e isi ei ne virus/spyware
- Downloading io me ko te puke i nisi auala, tafaoga ne kaisoa, tela e mafai o fakaiku ki te sala aofia foki ei te tapale o tau akauni, pono tau consol mai te fano ki te server a te kau ne lotou faitegina io me fakasala.
- Koe ke faeteete mai tino amio ma’sei manafai e togi io me fakatau atu virtual, mea i loto i tafaoga – pela mo high level characters – manafai e isi ne sene e aofia i ei.
- ‘Griefing’ – manafai ne tino tafao e fakaasi ne latou koe ko te mea ke fai ne ia ko tau tafaoga ke se loko fiafia koe i ei.
- Te peiga o game consoles, PCs, mo mobile kae seki ‘solo au fakamatalaga totino mo fakamatalaga o au akauni.
- Downloading o ‘free’ web mo tafaoga app-based kola e tau o togi ne koe ke mafai ne koe o maua mea katoa.
- Tafao i tafaoga i te fia o itula i te taimi e tasi kae ko te fakalavelave ia koe mana valea ki ei.
Tafao kae seai se fakalavelave
- Tafao fua i tafaoga online manafai au antivirus/antispyware software mo firewall e mafai o fai te galuega kae teletele lei foki
- Tafao fua i vaega tafaoga kola ko oti ne fakasaoloto kae kae ne togi mai foki i koga kola ‘lei kae tela foki e e isi sou laisene i ei.
- Fakapatonu te lei mo te ata puipui o download files mo software ‘fou mai te togi i koga kola mautinoa me ‘lei.
- Fili se username tela e se mafai ei o iloa ou fakamatalaga totino. Tai pena foki loa, kafai tau tafaoga e aofia ei te mafai o faite sau tala totino toetoe, ata onoono loa ke moa e ave ne koe sou fakamatalaga totino.
- Fakaaoga password kolae faigata te mafai o maua.
- Sa fakaasi ou fakamatalaga totino ki nisi tino tafao.
- Masaua loa o tausi te software o tau tafaoga fakafoou faeloa. Lasiga o tafaoga multiplayer e faka’fou loa ne latou loam ai mua koe o connect. Koe ke faeteete i te download o sose polokalame kola e tapu kae e isi sena sokoga ki tau tafaoga.
- Matapulapula loa ki scams mo cons manafai koe togi io me fakatau ‘kopekopega’ kola e isi i loto i se tafaoga computer, i loto i te olaga tonu.
- Faitau ki fakanofonofoga mo manakoga o te kau faite mea penei io me ko latou e fakagalue te kope ke onoono fakalei aka me mana fai isi ne mea e tau o togi nei io me ni mea e tau o togi i se taimi mai mua kae seiloa.
- Kafai ko ‘pei tau mea i tafaoga e fakatau atu io me, fakamasei, ave mo fai se mealofa, fakapatonu me i ou fakamatalaga totino ko oti ne ‘solo keatea. Faiga o mea konei e kese i vaega o mea takitasi penei. Sa puli ia koe o ‘solo a fakamatalaga o au akauni, kae fai ke lua io me ave au tafaoga ki tau meafaigaluega fou mana taugatonu.
- Fai ne fakanofoga io me ne fakatonuga ki tmaliki manafai e tafao online.
Nisi fakamatalaga
Se mea fakatonutonu a matua mo tausi tamaliki ke saogalemu manafai e tafao. online: http://www.everybodyplays.co.uk/parents-guide-to-games
Fakanofonofoga o vaega tafaoga valevale online konei ka fakamatala atu i video, here: https://www.youtube.com/user/FamilyGamerTV