E lua vaega o tala ‘loi
- Tala se tonu kola ne mafaufaugina loa ke fakasalalau ke mafai o pokotia ou mafaufauga mo au ikuga, aasi ki website pena (kola e mafai ne tino fakaloiloi, io maua i ei a mea kola see tii masani ne koe o lavea), fai ke talitonu koe ki se mea ‘see io me togi nai mea io me ne sevesi.
- Tala kola ne nai vaega o ia e tonu, pela mo lipooti a mea ne tonu ne tupu kae tai seke te lipooti o nisi mea ne tupu io me ko mea tonu kola ne tupu, pela mo pogai mo faipatiga. Vaega o tala ‘loi penei ne faite ke fakasalalau a manakoga mo mafaufauga o tino takitokotasi mo fakapotopotoga kola ne mafua mai ei, fuli ne ia mafaufauga o tino faitau.
Sua feitu, nisi tala ‘loi e mafua loa mai tala faite io me ko fekau e mafulifuli mana paasi mai sua tino ki sua tino. Kae ona la e tokouke tino e see tii aasi te koga ne mafua mai ei te tala online koi tuai o fakasalalau, e mafai loa o fano viral fakavave.
Nisi tino e mafai foki loa o fai me tala tonu ne tala ‘loi, ona me se ‘loto ki ei, io me se fiafia ki ei.
E mafai pefe o iloa te kese o tala tonu mo tala ‘loi
- Fesili ifo loa koe kia koe mafai e tonu e tupu te mea nei. Fano ki mea kola ne faitau ne koe io me lagona mai koga kesekese, fesili me kaia ne mafai ei o tusi, ona me taumafai o fuli tou manatu, togi se mea, ‘pale ne ia koe ki te sua website io me faka poi ne ia koe.
- E isi aka foki se isi tino e lipooti ne ia te tala tenei? Aasi ke matea me ne tala fakatalitonugina, e talia ne te tokoukega mo websites ne ulu foki ei te tala tela ne matea ne koe.
- Sukesuke te koga ne mafua mai ei. Salasala ke tai uke au mea e iloa i te tino ne fakasalalau ne ia, pela me fakatalitonugina, masani o tusitala fakamaonia io me ko blog totino a tino. Onoono me mafai o maua ne mau a tino pela me fapito o te koga ne vau ei te tala.
- Aasi ki mau tonu. Tina tala tonu e masani loa o ‘lago ki data fakamaonia, savea mo mea mua, ko mea tupu kola e tai ‘pau e lipooti foki. Lasiga, e tai maina loa me i news ne tala fai gutu, io me fakatoetoe ne tala faite.
- Aasi a ata. Ata io me ko fakamatalaga e aumai mo tala ‘loi e lasi loa ne atafai fakalei ke mafai o fakamalosi te tala, kae lasiga e se fai faka’lei. Sua mea, fai se salasalaga o ata ki lotoi te google me mafai ne ata ne kaisoa mai sua koga.
- Fakaaoga ou lagona. Masaua me kafai se e tai tagi sala, se tonu io pela me faifakatea manafai se mea tonu, kaati tena loa.