E iloa ne koe me nea a sites e fakaaoga ne au tamaliki? E iloa ne koe me galue pefea, nea mea au tamaliki mo tino e ‘fetaui’ mo latou i luga iei mo olotou pati io me faiga e fai iei?
Kiloga kite tonuga, koe e iloa ne koe i mea fakamanatu kola e mafai o tupu ki tamaliki mai te fakaaoga o vaega sites penei? Tiga me:
- Sautala mo tino e mafaufau latou me ne ‘taugasoa’ fou, kae tela la ne tino e mafai o mafaufau o amio masei.
- Te fai fakatasi io me onoono ki mea se tau io me ko ata o tino matua io me ne isi aka.
- Te fakatautoa io me fakafesagai ki niisi vaega fakatautoa.
- Te fakaoso kef ai ne faifaiga fakamataku io me ne amioga masei io me ‘fakaoso’ i luga ite mea pei ata.
- Fakaasi mea fakamatalaga totino, taugasoa io me ko kaiga. Io me fakatoka ke fetaui mose tino tela ne fetaui latou online, kae tela la se tino fakaloiloi me koi a ia.
Konei ne nai sites e masani o fakaaoga tela e mafai o fakaaoga ne au tamaliki. E mafai o maua ne koe ne fakamatalaga faopoopo I mea tau mainstream social networking sites pela mote Facebook mote Twitter, i konei.
Te ukega o sites konei e fakaaoga live video pela me se auala e fesokotaki, io me aofia iei te kave ata. Te mea nei e fakaavanoa ki tino ke kave ata kola e mafai o se lei.
E uke e isi ne ‘tulafono’ pela mote fakatapula ke katoa tausaga e mafai o kau atu ki te putukau tena, io me ko te vaega o sose mea, ata io me ko vaega mea e saoloto te fakaasi ne tino kola aofia ite putukau. Te ukega o taimi, a te auala o kau atu e faka’na ki te fakatalitonu o tino kae te tonuga la e faigofie ne tamaliki o fakaloiloi ia latou e matua atu. Kae ko tulafono ki luga i vaega mea e fakaasi e faigofie te fakatautoa. Famolemole faitau kite fautuaga ite Safeguarding Children te vaega ote website tenei ki luga ite galuega pefea mo tamaliki ke saogalemu latou online – tela e aofia iei olotou telefoni mo tablets.
Snapchat
Snapchat se vaega app lauiloa ate Apple mote Android mobile devices, tela e fakaaoga ne tino mo fakaasi olotou ata mo ne nai sekone koi tuai o ‘galo’. Kae sose tino e maua ne ia e kafi o taofi ne ia mai te puke se screen shot, io me ko apps fou kola kooti ne fait eke mafai o taofi te ata iloa te fai te mea tena. Te site e lasi te faitioa a tino kiei me e faigofie mo tamaliki ke sala ne tino masei io me takolekole. Te tausaga fakatapula ki te kau atu kite site tenei kote 13, kae tokouke tamaliki foliki atu e kau.
Instagram se social networking sevesi e fakatau fakaasi a ata mo vitio tela e pule ne te Facebook.Images kae kafi fua o download ise mea faigaluega aveave – se koia se computer. Instagram e lasi te faitioga kiei me ona kote lasi tena avanoaga salalau atu i vaega tusitusiga fakatautoa, fakaoso kae pela foki mote fakaasi ata o totoga tamaliki. Te tausaga kamata o talia ke kau atu kite site tenei kote 13, kae e uke tamaliki e kau kae koi foliki atu.
TikTok
TikTok se iOS mote Android social media video app tela e faite kae fakaasi a vitio toetoe o pese usu, fakakata, mo vitio fakaasi a taleni. Ona kote saoloto o fai mea se tau, kae te fakaaoga o musika lauiloa kola e mafai o isi ne pati masei, te mea nei e se se app mo tamaliki foliki.
Ask.fm
I luga ite Ask.fm, tino fuu olotou igoa e fesili ki niisi tino a fesili. Tona uiga e faigofie te funa olotou iloga totino kae e mafai o faipati ki sose mea aunoa mose pokotiaga kia latou. Te fakatautoa mo te fai amio fakasaunoa i luga i te site kooti ne fakaiku ki nai tamaliki ke fepaki mo faifaiga fakapoi loto, pela mo niisi faiga ne fakaiku loa kite puke olotou ola. Tino pule ote site tenei kooti ne fai me ka aofia se pate ke ‘report abuse’, fakaavanoa se fakamauga igoa tela e pule te tino me fai me ikai kae ka fakatu ne tino faopoopo ke galue o fesoasoani.
YikYak
“No profiles, no passwords, it’s all anonymous”, muna ote app fakasalalau. Ne faite mo fai se auala e post iei a news mo tusitusiga ite fakai mo akoga mo fakai akoga, te app ko lasi tena lauiloa mese mea tau a te kau cyberbullies kae kooti ne fakatapu te fakaaoga i akoga e uke i te UK mo te US.
Habbo
Habbo (fakaloaga te igoa Habbo Hotel) – se social networking site tela e fakaautu ki talavou, tiga te logo atu me isi ne tamaliki ko valu tausaga e fakaaoga foki. Pela foki mo niisi, kooti foki ne faitioa kiei ona ko faifaiga se lei ki ata masei.
Shots of Me (or just Shots)
Se app e fakasaoloto tino fakaaoga ne latou ke puke kae post selfies, tela la e fakaaoga fua te feitu ki mua ote camera i luga i te mobile phone. Shots ne lasi te faitioa kiei ona kote see lei a ata kae ne se taumate ne fakaiku ki cyberbullying mo te faitogafiti.
Omegle
Te fakamunaga a te Omegle ko te “Chat to strangers”, tela la e maina mai te kamataga me au tamaliki pena foki mo koe e mafai o fakafeagai mo fakalavelave e uke.
Chatroulette
Pena foki mote mea muamua, ite Chatroulette, tamaliki e seai se aia me ko ai e faipati kiei ite sua feitu ote screen, tela se mea fakamanavase mai te kamataga.
Ke avatu se sua mafaufauga ki te lasi ote aofaki o chat apps mo sites e kafi ne tamaliki e mafai o saoloto ulu kiei i aso nei, tenei se vaega foliki o sites kola e tai pau mo te Chatroulette, e fakavae kite fakaaoga ote web mote phone cams. E isi ne au mea e lave ia latou konei?
iMeetzu
SpinnerChat
WebcamBam
Cam Random Chat
HollerChat
RandomSkip
CoolStreamz
Swagcams
SpeedyCams
Bazoocam
Omegle
Chatroulette
Tinychat
Camzap
Chatrandom
Facebuzz
Quierochat
Streamberry
Chatpig
Chattino
Camfrog
Hehechat
Rounds
Chatville
Funyo
Paltalk
Webcamnow
Flipchat
VideochatUS
RouletteChat
Dirtyroulette
Chatxroulette
Lollichat
Chatrad
321 Chat
Chatbazaar
Wireclub
Chat Avenue
Wocchat
Airtime