A Pokotiaga
- Ate fakaloiloi tela e mafua mai te togi o mea i luga i web pages kola e se saogalemu.
- Ate fakaloiloi tela e mafua mai te togi o mea i luga ise sokoga Wi-Fi tela e se saogalemu.
- Online stores/shops fakaloiloi – websites fakaloiloi mo email e ofo ne kope mo sevesi kola e seai.
- Te togi o kope kola ne mea fakaloiloi mote iloa io me se iloa – maua aka ne mea se lei te faitega kae mafai foki loa o fesoasoani kite faite ne aula se tonu.
- Te galo o au sene manafai e fai ne direct bank payments, ki te maua atu i kope ne mea masei fua, io me seai lele loa.
- Maua mai o kope kola e kese mo mea ne fakasalalau ne tino fakatau.
- Te ofo ne togi kooti ne fakavasega ki luga i fakamatalaaga ne puke mai te tino togi ki luga i au faifaiga togi kope mo websites kola ne aasi koe kiei.
Togi o Kope Mote Saogalemu
- Fakamautinoa i sose online retailer tela e seiloa ne koe se tino e tonu ite sala o Iloilo. Kem aua se tuatusi tonu mo tena napa telefoni. Masaua me ite auala sili ke maua se tino sela kope tela e mautinoa e lei kote onoono ki fautuaga mai tino kola e fakatalitonugina.
- Masaua me ite credit card e ofo atu se vaega lasi tena puipui iloa niisi vaega auala ote fakaloiloi, fakamaoniga mote se mafai o avatu a kope.
- Toe Iloilo fakalei au mea e togi koi tuai o fakatoka te togi.
- Sa tali ki emails e soona maua ne koe mai kamupane seiloa ne koe.
- Koi tuai o faulu fakamatalaaga ote card ki luga ise website, fakamautinoa me te link e lelei, i auala e lua:
- E tau o isi se ata ote loka ite browser window frame, tela e sae mafai koe e taumafai o log in io me register. Fakamautino me ite loka e se i luga ite page loa tena … te mea nei e mafai o fakasino mai ate site se mea fakaloiloi.
- Te tuatusi ote we e tau o kamata penei ‘https://’. Te uiga ote ‘s’ kote ‘secure’.
- A fakamailoga mai luga e fakaasi mai fua me ite link ite vaasia o koe mote tino ia ia te website e lei, kae se koia e fai me kote site tonu loa tena. A koe e tau o Iloilo fakalei ate tuatusi mafai e isi ne pati e se te fakasologa, ne pati faopoopo mo mataimanu mo niisi vaega se olo tonu.
- Niisi websites e kave koe kise sua putukau mai tua o latou ke fakatoka togi (pela mote WorldPay). Fakamautinoa me I sites konei e saogalemu koi tuai o fakatoka te togi.
- Sa togi ne kope kafai e fakaaoga se Wi-Fi sokoga tela e se saogalemu.
- Fa’eteete kae masaua te password kooti ne fili ne koe mo fai te fakamaoniga faopoopo kola e fakaaoga ne nai websites, pela mote Verified by Visa.
- Kafai e fakatoka se togi kise tokotasi sa kave tonu a tupe ki loto ite lotou akauni faletupu kae fakaaoga se site tela e saogalemu pela mote PayPal, tela a tupe e kave ite vasia o electronic accounts e lua.
- Onoono kite sellers’ privacy policy mote returns policy.
- Fakamaoni o log out mai sites kola koe ne log ki loto io me ne register au fakamatalaaga kiei. Te pono fua tau browser e se lava ke mautinoa tau privacy.
- Tausi a lisiti.
- Iloilo a credit card mo bank statements fakalei kafai kooti ne togi te tiketi ke fakamautinoa me ite aofaki ne kave e sao, kae e seai foki se feitu see tonu ne tupu mai te fakatoka ote togi.
- Fakamautinoa me tau antivirus/antispyware software mote firewall e teletele lei kae ne fakafou koi tuai koe o fano online.
- I so se avanoaga, onoono kite togi e fakasolo ne te tino sela i lug ai tau browser e pau mo ia tela e fakasalalau i lug ai niisi browsers, ke fakamautinoa ia koe e se sukesukegina kae fakasiliga ne latou te togi kia koe.
Kafai ne tupu se fakalavelave o fakaloiloi koe
Lipoti kite pulisimani