E fakatafa pefea te tufa valevale
- Tasi o auala ‘lei loa moa e tufa valevale i social media ke onoono koe ke toe faka’tonu tau akauni ke moa e iloa ne se tino (private). Mea katoa e tufa io me faka’paa online e fakailoa ki tino se mea kia koe pela mo au faifaiga mo te koga – mafaufau la me manako koe ke tufa mea konei mo tino katoa.
- Sa faulugina fakamatalaga kola e mafai o tukufakatasi kae kae sona fakaaoga ne te tino fakaloiloi – pela mo ou tausaga, asofanau, fakatuatusiga, koga galue, tau akoga muamua, igoa o tou matua muamua, kaiga io me te igoa o tau manu tausi, io mo nisi password masani.
- I te mafai o fano ki loto i au social media data ke mafai o kau koe ki se fakataufaiga, maua se failoga io kau ki se savea, e mfai loa koe o fakailoa ou fakamatalaga ‘funa. Aasi ki fakanofoga mo manakoga kae e ui ei onoono fakalei ki mea kola e talia ne koe ko nisi ke iloa ne latou koe i au akauni.
- Fakapaaga mo te tufa ata manafai koe e nofo ‘mao o malolo io me i mea pisinisi e mafai loa se fakailoaga ki tino kaisoa me i tou fale ko seai se tino i ei. Sua mea, tamate katoa a mea kola e iloa ei te koga e nofo koe i ei i au app fakatonutonu i au mea faigaluega katoa.
- Nea mea e olo online, e nofo online. Mafaufau fakalua mai mua o paki ke faka’paa seiloa fua moa e faka’ma io me faka’mae kia koe io ki nisi. 70%* o matagaluega e fakaaoga social media o iloilo a tino fia galue koi tuai o fakagalue tela la fesili ki taugasoa i taimi katoa me ‘lei mai mua koe o faka’paa ata o latou io me ko tamaliki.
- Mafaufau fakalua ki au mea ne faka’paa moa ta ne tufa. Pepa fakateletele, tusi folau, nai tusi alofa mo nisi tusi aka kola e isi ne fakamatalaga se manakogina ke puipui kola e manakogina ke fakatalitonu ki se ID.
* Figures taken from 2017 survey from CareerBuilders: https://www.careerbuilder.com/advice/social-media-survey-2017