Saolotoga o fakaasi ou manatu ko fakafaigfie ki tino ke fakasalalau olotou manatu kae se maua o fakasala. Te fakasalalauga o nisi mea e tapu, kae lasiga e se tapu, tena uiga a pulusimani mo nisi fakapotopotoga tausi tulafono ko seai se malosi o fai se faiga ki mea nei. Te tulafono tela e fakaaoga e onoono kite paleni o te saolotoga o fakaasi ou manatu mo te saoloto ko eke se fakasala mai te sala ki te kaitaua… fakamafuaga o se vaa fakakinau i mea tau telega o tino, talitonuga, tagata mo fafine io pina. Tusitusiga online – iluga i websites, social networks mo chatrooms – e mafai loa o soli tulafono manafai e fakamatakutaku io me sonafai se tino io me se potukauga. Kafai te fakasauaaga tenei e mafua mai i pogai konei ne fakaaasi atu mai luga io me ko te se katoatoa, mea na e fai pela me se agasala o te kaitaua, tiga loa me ne pati, ata, video io pese.
Te lasiga tokoukega o tino – maise foki loa te kau tausi tulafono – e pukemau kae fakamalosi te vasia lei i vaega valevale o te komiuniti, tiga ei o te telega, lanu, talitonuga, koga ne vau koe i ei, lotu, tagata me se fafine, tausaga io me koe se tino pefea.
Tiga i ei, e isi loa kola, seiloa me sea te pogai, e fakatumau loa te fakasalalau o mea tau kaitaua, kola ka isi ne aofaki o fakalavelave mai tino pokotia ka maa, fakasauagina io nofo tokotasi – ko fakamsei te nofo fealofani o te komiuniti kae ka mafua te mataku.
Nea au mea ka fai ki mea tau kaitaua online
Kafai koe e maua io me ne avatu a mea tau kaitaua io me fakatuputaua online, e mafai loa o se tapu, kae koe e mafai o fai sau faiga o tapale mafai e pokotia, fakamatakutaku io me fakafanoanoa ne ia koe.
LIPOOTIGINA KI TE PULE O TE WEBSITE
Lasiga o websites e iloa ne tatou me se talia vaega mau, ata mo video kola e fakakaitaua io me faka’mae ki nisi kae lotou tulafono ne faite i lalo i fakanofonofoga o te tali te fakaaoga. Websites lauiloa – e aofia ei social media, video hosting mo tala sites e fakaasi mai ei auala e lippoti io me fai sou se malie i vaega mea penei. Mea konei e fai i te pate ‘report this page’ io ‘report this user’, io me ki olotou vaega sokotakiga.
Fakamatalaga mo fautuaga mai nisi o sites lauiloa – e aofia ei a mea kola e taliagina o fakaaoga, lippooti io me ‘ponogina – e mafai o maua i mea konei:
LIPOOTIGINA KI TE KAMPANE IA IA
Kafai te website e fakakaitaua i tena natula io me fakamalosi a faipatiga kaitaua io me fakatupu taua, e mafai ne koe o lipoti ki tino kona ia latou te site. Lasiga o kampane fakatoka mea penei e isi ne lotou tulafono ki vaega sites mo mea i loto kola e fakatoka mo fai. E mafai ne koe o aasi a kampane e fakagalue website ‘ko oi e fakagalue te mea nei’.
E mafai foki koe o sokotaki te kau e fakamaua ne latou tau internet o fesili mo fakamatalaga tai uke.
LIPOOTI KI PULUSIMANI
Kafai te website ne lavea ne koe online e pau mo fakatalaga o mea kola e tapu mai luga kae mafaufau koe me mafua i te fenua tenei, e tau o lippoti ne koe ki pulusimani