Te masani, tino pokotia e maua ne latou ne telefoni o fai maloo ke ‘togi fakavave ne mea ki iTunes io me ko nisi vaega o card/voucher mai koga fakatau kola i tafa o latou, kola pela me ne sitoa togi mea valevale io me ne koga togi ei mea tau iti (electronics). Tino pokotia e fakatonu i te mea se mea se pili o lafoga ko leva ne ‘tau o ‘togi (tino fakaloiloi e masani loa o fai ia latou ne sui mai te kau pulepule i mea tau lafoga), pili o fakaimasaki, pili o iti mov ai, pili mai koga ‘togi kaitalafu io me ne sene ne ‘togi ei se sala.
Mai tua o te togiga, te tini pokotia e fakatonu ke togi te tino fakaloiloi i luga o telefoni ki te faitauga ki ei te 16-fuainumela code (i te feitu la ki iTunes card mealofa) e tuu mai tua o te card. Te tino fakaloiloi e mafai ne ia o fakatau a te code ki tua, io me togi ne mea togi-mafa, ki sene a te tino pokotia.
I te tonuga loa, te vaega card mealofa/voucher e mafai fua o fakaaoga mo togi mea mo/io me ko sevesi i luga i website a te pisinisi tena e fakatoka ne ia. E ui ei, e tokouke tino e toosala pokotia ki vaega mea fakaloiloi ona ko te se maina me fai pefea mea konei.
E mafai loa o fakamaumau se selau io me afe foki o talaa mo te lasiga o tino pokotia e lasi loa mai te 65 tausaga o fano ki luga – tiga loa kae so se tino e mafai loa o pokotia.
Seai loa se fakapotopotoga mautinoa e mafai o akai atu ke togi ne pili io me ne kaitalafu o fakaaoga voucher io me ko card meaalofa. Koe e se tau lele loa o ave a codes i luga i voucher io me ko card meaalofa ne togi ne koe mai tafa o te faulu ne koe ki loto i lotou website mautinoa pela me se togi o te mea katoa io me se vaega foliki o te kope io me se sevesi.
Kafai koe se tokotasi o tino pokotia i voucher/ cards mealofa fakaloiloi
- Lipooti ki pulusimani
- Lipooti ki te faletupe a koe io me ko koga kola ne maua mai ei tau card fakavave loa. E mafai o iloa ne koe me fai pefea mai te onoono ko ki luga i olotou website.